اسلام آباد۔1جولائی (اے پی پی): مزن وزیر ءِ نیمگ ءَ پروجیکٹ پے اسکیل فریم ورک ءِ چار ءُ تپاسی ءِ واستہ جوڑ کتگیں کمیٹی ءِ دیوان نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ برجم دارگ بوت۔ سئے شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ وزیر برائے منصوبگ بندی، مزن وزیر ءِ ھاسیں کمکار طارق باجوہ، سیکرٹری برائے اسٹیبلشمنٹ ءُ منصوبگ بندی ءُ سیادی داروکیں محکمہ آنی مزنیں کارندہ آں شریک بوتگ۔ کمیٹی ءَ ھاسیں پگار ءِ پیمانہ ءِ چیر دستی ءَ ہنرمندیں پیشہ ور آنی بھرتی ءِ واستہ استیں پالیشی آنی سر ءَ چار ءُ تپاسی کتگ ءُ مقابلہ ءِ پگار ءِ پیمانہ ءُ کارکردگی ءِ سر ءَ بنیات ءِ ترغیب ءَ ھوار بازیں اصلاحات ءِ تجویز آنی سر ءَ چار ءُ تپاسی کتگ۔ کمیٹی ءِ آیوکیں ہفتگ ءَ پدا دیوان بیت کہ آ گیشتر ھیال ءُ لیکہ بہ کنت ءُ سفارشات ءَ را گڈی رنگ ءَ بہ دنت۔
