وفاقی وزیر شزہ فاطمہ خواجہ ءِ گشگ انت کہ اسلام آباد ءِ 532 اسکولاں فائبر آپٹک ءُ تیز رفتار انٹرنیٹ ءِ پجارینگ بیت

اسلام آباد۔1جولائی (اے پی پی):انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ زھگ ءُ ورنا آناں کمپیوٹر، اے آئی ءُ نوکیں ٹیکنالوجی آنی بابت ءَ بندات ءَ چہ سرپدی دیگ وھد ءِ ضلورت اِنت۔ مزن وزیر ءِ ہدایت ءِ سرا وزارت آئی ٹی ءِ بجٹ ءَ چہ اسلام آباد ءِ 532 اسکولاں فائبر آپٹک ءُ ہائی سپیڈ انٹرنیٹ پجاری کنگ بیت۔ 100 ءَ چہ گیش ماڈل اسکول ءُ کالج آنی تہ ءَ اسمارٹ لیب، اسمارٹ کلاس روم ءُ اسمارٹ اسکرین جوڑ کنگ بوتگ۔ سئے شمبے ءِ روچ ءَ آئی ٹی ءُ ٹیلی کام ءِ وزارت ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ نوکیں ٹیکنالوجی آنی تہ ءَ وانگ ءُ زانگ نوں وھد ءِ ضلورت اِنت۔ ہر زھگ ءَ را جوانیں وانگ ءُ زانگ ءِ پھجارینگ حکومت ءِ اولی ترجی اِنت۔ زھگ ءُ ورناہاں کمپیوٹر، اے آئی ءُ نوکیں ٹیکنالوجی ءِ بابت ءَ چہ بندات ءَ وانینگ ءِ وھد ءِ لوٹ اِنت۔ آئی ءَ گوشت کہ مزن وزیر شہباز شریف ءِ ’’ڈیجیٹل نیشن پاکستان‘‘ ءِ وژن ءِ بنیات ءَ باصلاحیتیں انسانی وسیلگ انت۔ مزن وزیر ءَ آئی ٹی نصاب ءِ ھوالگ ءَ مزن تک ءِ کمیٹی جوڑ کتگ۔ کمیٹی ءَ اسکول ءُ کالج آنی گریجویٹ آنی روزگار ءِ ھاتر ءَ ھاسیں زور داتگ۔ آئی ءَ گوشت کہ مزن وزیر ءِ ہدایت ءِ پد ءَ آئی ٹی ءِ وزارت ءِ بجٹ ءَ چہ اسلام آباد ءِ 532 اسکول آنی تہ ءَ فائبر آپٹک ءُ ہائی سپیڈ انٹرنیٹ پجاری کنگ بیت۔ چونکہ نصاب صوبائی معاملہ انت، ہائیر ایجوکیشن کمیشن، وزارت تعلیم ءُ راجی نصاب کونسل ءِ نیمگ ءَ چہ یکجائی ءَ نصاب ءِ سر ءَ کار کنگ بوھگ ءَ انت۔ چہ ششمی ءَ بگر داں دوازدھمی کلاس ءَ وفاقی وانگ ءُ زانگ ءِ ادارگ آنی واستہ اے آئی ءُ آئی ٹی ءِ نصاب ءِ سر ءَ چار ءُ تپاسی کنگ بوھگ ءَ اِنت۔ شزہ فاطمہ ءَ گوشت کہ 100 ءَ چہ گیش ماڈل اسکول ءُ کالج آنی تہ ءَ اسمارٹ لیب، اسمارٹ کلاس روم ءُ اسمارٹ اسکرین جوڑ کنگ بوتگ۔ ایڈ ٹیک یا ہائبرڈ ماڈل ءِ وسیلگ ءَ ہر اسکول دوریں دمگاں نوکیں وانگ ءُ زانگ ءِ وسیلہ ءَ دیم ءَ کاریت۔ ان شاءاللہ اے سال ءَ چہ وفاقی علاقہ ءِ ہر چُک اے آئی نصاب ءِ رد ءَ وانگ ءَ بیت۔ آئی ءَ گوشت کہ 1000 ءَ چہ گیش استاد آناں اے آئی ءِ تہ ءَ بنیاتی تربیت دیگ بوتگ، گرماگ ءِ چھٹی آنی وھد ءَ استاد آنی اے آئی ءِ تربیت ءَ را گیش موثر ءُ جامع جوڑ کنگ بیت، ایڈ ٹیک اسٹارٹ اپس ءِ گوما نجی شوبگ ءِ ورنا آناں ھم اے نظام ءِ تہ ءَ ھوار کنگ بیت۔ آئی ءَ گوشت کہ راجی اے آئی پالیشی ءِ رد ءَ 10 ہزار اے آئی ٹرینر تیار کنگ ءِ کار بندات بوتگ۔ مزن وزیر ءِ چین ءِ تر ءُ تاب ءِ وھد ءَ ہواوے ءِ گوما سئے لکھ زھگانی تربیت کنگ ءِ معاہدہ کنگ بوت۔ اے معاہدے ءِ رد ءَ 200 ءَ چہ گیش نودربر آنی تربیت سرجم کنگ بوتگ۔ ٹارگٹ ھمے سال ءَ سرجم کنگ بیت۔ گوگل ءُ مائیکروسافٹ ءِ سرٹیفیکیشن ھم کنگ بیت۔ مزن وزیر ءَ آئی ٹی ءِ وزارت ءِ ٹارگٹ بدل کت۔ پیسر ءَ تربیت آنی کساس ھاسیں بوتگ، نوں روزگار ءُ عملی اثرات ءَ را اولیت دیگ بوھگ ءَ اِنت۔