اسلام آباد۔29جون (اے پی پی): مزن وزیر محمد شہباز شریف ءَ گوشت کہ مئے جمہوری نظام ءِ تہ ءَ پارلیمنٹ ءِ مرکزی جاہ اِنت، بیا اِت کہ ما پارلیمانی ادارگ آناں مھکم کنگ، جمہوری قدر آنی رکھینگ ءُ اے گپ ءَ را دل یکیمی کنگ ءِ واستہ وتی جزم ءَ را نوک بہ کن ایں کہ شہری آنی توار قانونی بادشاہ ءِ عمل ءَ راستی ءَ زاھر بہ بیت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ میاں اوستمانی پارلیمنٹرین روچ ءِ موہ ءَ مزن وزیر شہباز شریف ءَ وتی گشتانک ءِ تہ ءَ گوشت کہ میاں اوستمانی پارلیمانی روچ کہ ھر سال 30جون ءَ برجم دارگ بیت اے روچ جمہوریت ءِ تہ ءَ مھکم کنگ ءِ واستہ مئے جھان ءِ عزم ءِ پدا پدر کنگ بیت۔ اے روچ ءَ شمولیت ءِ حکومت داری ءِ دیمروئی ، زالبول ءُ ورنا آنی بامردیں نمائندگی ءَ را دل یکیمی کنگ ءُ کانود سازی ءِ عمل ءَ ٹیکنالوجی ءِ نوکیں چیز آناں وتیگ کنگ ءِ تہ ءَ پارلیمنٹ آنی ھاسیں کرد ءِ سر ءَ چمشانک دیگ بوتگ۔ مزن وزیر ءِ گوشت کہ مئے جمہوری نظام ءِ تہ ءِ پارلیمنٹ مرکزی جاھ ءِ دار اِنت۔ پارلیمنٹ وتی قانون ساز ءِ اختیارات ءُ متحرک قائمہ کمیٹی آنی وسیلگ ءَ ایگزیکٹو ءِ احتساب، شفافیت ءُ نگرانی ءَ را یقینی جوڑ کنت۔ مزن وزیر محمد شہباز شریف ءَ گوشت کہ پاکستان ءَ آئین ءِ آرٹیکل 51 ءُ 59 ءِ رد ءَ ریزرو سیٹ آنی وسیلگ ءَ زالبول آنی نمائندگی ءَ را دل یکیمی کتگ۔ مئے زالبولیں پارلیمنٹرین ھم سروکی ءِ پجّار ءَ سر بوتگ اَنت، ھشت زالبولیں ایس ایس پی ءُ راجی اسمبلی ءِ چار زالبولیں باسک اے وھد ءَ پارلیمانی کمیٹی آنی چیئرپرسن ءِ بستار ءَ کار کنگ ءَ اَنت، ایشاں چہ ھواریں ءُ بااختیاریں حکومت داری ءِ مثال ءِ دیم ءَ آرگ بوتگ۔ آئی ءَ گوشت کہ پارلیمنٹ کانود سازی ءِ نوک کنگ ءِ واستہ ھم سرگرم بوتگ ھاسیں رنگ ءَ صنفی برابری ءُ چاگردی رکھینگ ءِ واستہ ھم سرگرم بوتگ۔ پارلیمنٹ ءِ کرد ھاسیں بوتگ ۔ ویر اعظم ءَ گوشت کہ مالی سال 2025-26ءِ وفاقی بجٹ ءِ تیاری ءِ وھد ءَ حکومت ءَ اتحادی شریک آنی گوما سرگرمیں رنگ ءَ شور ءُ سلاھ کتگ ءُ آوانی کمک ءَ را اولیت داتگ۔ ھمے روح یک جان سلامتیں جمہوریت ءِ بُن ھشت اِنت۔ مئے پارلیمنٹ ءِ باسک گلوبل پارلیمانی سفارتکاری ءِ تہا فعال کرد پیلو کنگ ءَ انت۔ بین الاقوامی پارلیمانی یونین ءِ پلیٹ فارم آنی گوما برجاھیں کمک ءِ وسیلگ ءَ مئے پارلیمنٹ آناں امن، دیمروئی ءُ میاں اوستمانی کمک ءِ دیمروئی ءِ واستہ کار کتگ۔ مزن وزیر ءَ گوشت کہ جنوبی ایشیا ءِ جاور ھال آنی تہ ءَ گیشی ءَ پد پاکستان ءِ کثیر جماعتی پارلیمانی ڈل ءَ سفارتی آؤٹ ریچ ءِ وسیلگ ءَ گلوبل فورم آنی تہ ءَ مئے ھیال آناں جوانیں رنگ ءَ سر کت۔ آئی ءَ گوشت کہ نوکیں گورننس ءِ پیداکیں ضلورت آناں سما کنان ءَ ما پارلیمانی شفافیت ءُ رسائی ءَ را گہتر کنگ ءِ واستہ ٹیکنالوجی ءَ را ھم وتیگ کتگ۔ مزن وزیر ءَ گوشت کہ اے روچ ءَ بیا اِت پارلیمانی ادارگ آناں مھکم کنگ، جمہوری ارزشت آناں رکھینگ ءُ اے گپ ءَ را دل یکیمی کنگ بہ بیت کہ کانود جوڑ کنگ ءِ عمل ءَ شہری آنی توار راستی ءَ گندگ بیت۔
