اسلام آباد۔29جون (اے پی پی): وفاقی تہی کارانی وزیر محسن نقوی ءَ سی ایم ایچ بنو ءِ تر ءُ تاب کتگ ءُ شمالی وزیرستان ءَ فتنہ الهندستان ءِ ناشرکار آنی نیمگ ءَ چہ بزدلیں اُرش ءَ ٹپی بوتگیں سیکورٹی فورسز ءِ کارندہ آنی گند ءُ نند کتگ ءُ ٹپیگیں کارندہ آنی مزن دلبڈی ءِ ساڑات کتگ۔ یک شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وزیر داخلہ محسن نقوی ءَ ٹپیگیں کارندہ آنی جان سلامتی ءِ بابت ءَ جست ءُ پرس کتگ ءُ آوانی زوت جان سلامتی ءِ دعا کتگ۔ وزیر ءِ تہی کار ءَ گوشت کہ تئی ھمت ءِ گندگ ءَ پد ناشرکاری ءِ ھلاپ ءَ جنگ ءَ مئے جزم گیش مھکم بوتگ۔ محسن نقوی ءَ گوشت کہ شما پاکستان ءِ بامردیں زھگ اِت ءُ شمئے عاجزیں روح ءِ گندگ ءَ پد مئے سر گوں ابرمان ءَ چست بنت۔ وزیر داخلہ ءَ گوشت کہ ھما راج ءَ را کجام ھم دژمن شکست دات نہ کنت کہ آئی ءِ تہ ءَ ترا وتی بہادریں سپاھیگ بہ بیت۔ کلیں راج گرانیں وطن ءِ بامردیں سپاھیگاں ھمراہ اِنت ءُ ھرکس تئی زوت جان سلامتی ءِ دعا ءَ کنگ ءَ اِنت۔ محسن نقوی ءَ گوشت کہ آئی جی پولیس خیبر پختونخوا ذوالفقار حمد ءَ ھم وزیر داخلہ ءِ ھمراھی ءَ ٹپیگ آناں کمک کتگ۔
