اسلام آباد۔30جون (اے پی پی): روس ءِ ڈل ءَ اسلام آباد ءَ مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ گوں گند ءُ نند کت۔ ڈل ءِ سروک ڈینس نظروف ءَ کتگ۔ گند ءُ نند ءَ دو نیمگی اقتصادی کمک ءِ دیمروئی، پاکستان اسٹیل ملز ءِ زندگ کنگ، ءُ صنعتی شوبگ ءَ سرمایہ کاری ءِ موہ آنی سر ءَ سرجمی ءَ گپ ءُ تران کنگ بوت۔ ھاسیں کمکار ہارون اختر خان 5 جولائی 2025 ءَ پاکستانی مزنیں تک ءِ ڈل ءِ سروکی ءَ روس ءِ روگ ءَ انت۔ اے تر ءُ تاب ءِ مول ءُ مراد روسی سرمایہ کار آنی گوما اسٹریٹجک مشاورت کنگ، درملکی براہ راست سرمایہ کاری ءِ موہ آناں پٹ ءُ پول کنگ، ءُ پاکستان اسٹیل ملز ءِ زندگ کنگ ءِ واستہ تکنیکی کمک ءِ سر ءَ گپ ءُ تران کنگ اِنت۔ روس ءِ تہا وتی نندگ ءِ وھد ءَ ہارون اختر خان پاکستان ءِ صنعتی دیمروئی، انفراسٹرکچر، ءُ ایندگر کلیدی شوبگ آنی تہ ءَ سرمایہ کاری ءَ را گیش کنگ ءِ واستہ روس ءِ سروکیں کمپنی ءُ سرمایہ کار آنی گوما گند ءُ نند کنت۔ ھاسیں کمکار ہارون اختر خان ءَ گوشت کہ آ روس ءِ گوما اقتصادی سیادی ءَ را گیش مھکم کنگ ءِ واھشت مند اِنت ھاسیں رنگ ءَ صنعتی دیمروئی ءُ بنیاتی ڈھانچگ ءِ پڑ ءَ۔ اے تر ءُ تاب پاکستان ءِ حکومت ءِ راجی ادارگ آناں زندگ کنگ ءُ میاں اوستمانی اسٹریٹجک شریکداری آناں دیمروئی دیگ ءِ جزم ءِ درشان اِنت کہ پائیدار اقتصادی دیمروئی ءِ واستہ المی اِنت۔
