اسلام آباد۔30جون (اے پی پی): پاکستان 30جون ءَ میاں اوستمانی پارلیمنٹ روچ ءِ برجائی ءَ کنت، اے روچ ءِ برجم دارگ ءِ مول ءُ مراد جمہوریت، الس ءِ نمائندگی ءُ کانود سازی ءِ عمل ءِ تہ ءَ پارلیمنٹ آنی ھاسیں کرد ءَ را پدر کنگ اِنت۔ اقوام متحدہ ءِ جنرل اسمبلی ءَ 2018 ءَ میاں اوستمانی پارلیمنٹ ءِ روچ ءِ برجم دارگ ءِ منظوری داتگ ات تانکہ سرجمیں دگنیا ءِ پارلیمانی ادارگ وتی کار، چیلنج ءُ الس ءِ گوما سیادی ءَ را گہتر بہ کن انت۔ اے سال ءَ میاں اوستمانی پارلیمنٹ روچ ءِ بنگپ ”جمہوریت ءِ واستہ مھکمیں پارلیمنٹ“ اِنت کہ ایشی ءِ تہ ءَ فعال، شفاف ءُ احتساب پارلیمانی جمہوریت ءِ برجائی ءِ سر ءَ چمشانک دیگ بیت۔ میاں اوستمانی روچ ءِ موہ ءَ پاکستان دگنیا ءِ جتا جتائیں ملک آنی تہ ءَ سیمینار، کانفرنس ءُ سرپدی پروگرام آنی برجم دارگ ءَ انت تانکہ کانود سازی، راجی جیڈھ آنی گیواری، اقلیت آنی ھک آنی رکھینگ ءُ راجی نپ آنی دیمروئی ءِ تہ ءَ پارلیمنٹ ءِ کرد ءِ سر ءَ چمشانک دیگ ءُ سرپدی پیداک کنگ بہ بیت۔ زانگ بہ بیت پارلیمنٹ الس ءِ توار انت ءُ پارلیمنٹ ءَ را گیش مہکم ءُ شفاف کنگ ءِ واستہ مارا درستاں یکجائی ءَ وتی کرد پیلو کنگی انت ۔
