اسلام آباد۔27جون (اے پی پی):کشمیر ءِ کار، گلگت بلتستان ءُ ریاستی ءُ سرحدی دمگ آنی وفاقی وزیر انجینئر امیر مقام ءَ دریائے سوات ءَ سیل ءُ سواد کنوک آنی کشگ ءِ غمناکیں وئیل ءِ سر ءَ دلپدردی ءُ رنج ءِ درشانی کتگ۔ آئی ءَ گوشت کہ اے دل کشیں وئیل سرجمیں راج ءِ واستہ ھیال ءُ لیکہ ءِ ساھت اِنت، ایشی ءِ تہ ءَ گران بھائیں انسانی جان گار بوتگ اَنت۔ وتی بیان ءِ تہ ءَ انجینئر امیر مقام ءَ گوشت کہ اے گپ سک باز دلپدردی ءِ گپ اِنت کہ مردم بازیں کلاکاں دریا ءِ میان ءَ کمک ءِ ودار ءَ کپتگ اَنت بلے ھچ وڑیں ریسکیو ٹیم جاہ ءَ سر نہ بوتگ۔ اے واقعہ صوبائی حکومت ءِ سرجمیں ناکامی ءُ ضلعی انتظامیہ ءِ مجرمانہ غفلت ءِ واضح ثبوت انت۔ آئی ءَ گوشت کہ وھد ءِ سر ءَ ھال ءِ نہ دیگ، وھد ءِ سر ءَ ریسکیو ءِ نہ بوھگ ءُ ھمگرنچیں مشینری ءُ وسیلگ آنی نہ بوھگ ءِ سبب ءَ الس ءَ را جاور ھال آنی رحم ءُ کرم ءَ یلہ داتگ انت۔ وفاقی وزیر ءَ آماچیں ھاندان آنی گوما دل ءِ جہلانکی ءَ چہ دلپدردی ءُ غم ءِ درشانی کت ءُ گوشت کہ ما آوانی غم ءَ یک پیم ءَ شریک آں ۔ آئی ءَ ھمگرنچیں ادارگ آناں ترندیں کمکی کاروائی آناں ترند کنگ ءُ زدگیں مردم آناں ھمک رنگ ءِ آسراتی ءُ کمک ءِ پھجارینگ ءِ ھم ہدایت کتگ۔
