اسلام آباد۔27جون (اے پی پی): پی آئی اے ایس انٹرنیشنل ہیومن رائٹس ءِ چیئرمین رانا عمران لطیف ءَ وفاقی حکومت، ضلعی انتظامیہ ءُ پولیس ءَ چہ لوٹ کتگ کہ وفاقی دارالحکومت اسلام آباد ءِ میدان، چوک، پارکنگ ءِ دمگ ءُ ھاسیں بازار آنی تہ ءَ سرگرمیں فقیر مافیا ءِ ھلاپ ءَ زوت ءُ موثر گامگیج زورگ بہ بیت۔ جمعہ ءِ روچ ءَ رانا عمران لطیف ءَ وتی بیان ءَ گوشت کہ سرجمیں ملک ءَ ھاسیں رنگ ءَ اسلام آباد ءَ سرگرمیں پیشہ واریں فقیر گروہ آں شہری آنی زندمان ءَ را بدحال کتگ ءُ اے گروہ آنی پُشت ءَ نشتگیں گدا ءِ سروک مبینہ طور ءَ زھگاں آوار جن اَنت ءُ آھانی اعضاءِ زوال ءَ کن اَنت تانکہ آ یک نادراھی ءِ سر ءَ گداگری ءَ مجبور کنگ بہ بنت۔ رانا عمران لطیف ءَ پنجاب سرکار ءِ نیمگ ءَ پیش کنگ بوتگیں نوکیں اینٹی بیگنگ ترمیم ایکٹ ءِ حوالہ ءَ گشتگ کہ مارا وشی بیت کہ نوکیں قانون ءِ رد ءَ گدا مافیا ءِ گینگ لیڈر آناں 10 سال جیل ءُ دو لک کلدار جرمانہ ءِ سزا ءِ سفارش کنگ بوتگ۔ وھدے کہ جرمانہ ءِ نہ دیگ ءِ ھاتر ءَ دگہ 3 سال ءِ زندان ءِ ھم پیشکش کنگ بوتگ۔ آئی ءَ گیش گوشت کہ اے گپ وش آتک اِنت کہ نوکیں کانود ءِ تہ ءَ زوراکی ءَ گوں گُد گُد کنگ ءَ را غیر ضمانت ءِ جرم لیکگ بوتگ۔ آئی ءَ سوج دات کہ اسلام آباد دارالحکومت ءِ دمگ ءَ ھمے رنگیں کانود زوت جوڑ کنگ بہ بیت۔ رانا عمران لطیف ءَ لاہور ہائی کورٹ ءِ گوستگیں پیسلہ ءِ حوالہ ءَ گشتگ کہ آمید گس ءَ انسداد گداگری ایکٹ ءِ سرجمیں عمل درآمد ءِ فرمان داتگ ءُ سئے ماہ ءِ اندر ءَ رپورٹ لوٹ اتگ۔ آمید گس ءَ گُد گُد کنوکانی حلاف ءَ کارروائی کنگ، موبائل ایپ جوڑ کنگ، کسانیں زھگاں گُد گُد کنوکیں مردمانی حلاف ءَ کیس درج کنگ ءُ فلاحی مراگشاں فعال کنگ ءِ ہدایت داتگ۔ چیئرمین ءَ گوشت کہ ما ھمک روچ ڈی چوک، آبپارا، جناح سپر ءُ جی 11 ءِ سگنل ءَ ھوار جتا جتائیں سڑک ءُ چوک آنی سر ءَ ناتوان ءِ جاور ءَ زھگیں فقیراں گندیں کہ آ نہ ایوک ءَ انسانی ھمدردی ءِ نام ءَ کارمرد کنگ بوھگ ءَ اَنت بلکیں آھاں چہ منظم رنگ ءَ استحصال ھم کنگ بوھگ ءَ اِنت۔ پیاس انٹرنیشنل ءِ رد ءَ اسلام آباد ءَ ”زارا ءُ روشنی“ ءِ وڑیں ادارہ گیشتر فعال کنگ لوٹ اَنت، دانکہ بیگواھیں زھگ پچ گرگ بہ بنت ءُ مافیا انصاف ءِ دیم ءَ آرگ بہ بنت۔
: پی آئی اے ایس انٹرنیشنل ہیومن رائٹس ءِ چیئرمین رانا عمران لطیف ءَ وفاقی حکومت، ضلعی انتظامیہ ءُ پولیس ءَ چہ لوٹ کتگ کہ وفاقی دارالحکومت اسلام آباد ءِ میدان، چوک، پارکنگ ءِ دمگ ءُ ھاسیں بازار آنی تہ ءَ سرگرمیں فقیر مافیا ءِ ھلاپ ءَ زوت ءُ موثر گامگیج زورگ بہ بیت۔ جمعہ ءِ روچ ءَ رانا عمران لطیف ءَ وتی بیان ءَ گوشت کہ سرجمیں ملک ءَ ھاسیں رنگ ءَ اسلام آباد ءَ سرگرمیں پیشہ واریں فقیر گروہ آں شہری آنی زندمان ءَ را بدحال کتگ ءُ اے گروہ آنی پُشت ءَ نشتگیں گدا ءِ سروک مبینہ طور ءَ زھگاں آوار جن اَنت ءُ آھانی اعضاءِ زوال ءَ کن اَنت تانکہ آ یک نادراھی ءِ سر ءَ گداگری ءَ مجبور کنگ بہ بنت۔ رانا عمران لطیف ءَ پنجاب سرکار ءِ نیمگ ءَ پیش کنگ بوتگیں نوکیں اینٹی بیگنگ ترمیم ایکٹ ءِ حوالہ ءَ گشتگ کہ مارا وشی بیت کہ نوکیں قانون ءِ رد ءَ گدا مافیا ءِ گینگ لیڈر آناں 10 سال جیل ءُ دو لک کلدار جرمانہ ءِ سزا ءِ سفارش کنگ بوتگ۔ وھدے کہ جرمانہ ءِ نہ دیگ ءِ ھاتر ءَ دگہ 3 سال ءِ زندان ءِ ھم پیشکش کنگ بوتگ۔ آئی ءَ گیش گوشت کہ اے گپ وش آتک اِنت کہ نوکیں کانود ءِ تہ ءَ زوراکی ءَ گوں گُد گُد کنگ ءَ را غیر ضمانت ءِ جرم لیکگ بوتگ۔ آئی ءَ سوج دات کہ اسلام آباد دارالحکومت ءِ دمگ ءَ ھمے رنگیں کانود زوت جوڑ کنگ بہ بیت۔ رانا عمران لطیف ءَ لاہور ہائی کورٹ ءِ گوستگیں پیسلہ ءِ حوالہ ءَ گشتگ کہ آمید گس ءَ انسداد گداگری ایکٹ ءِ سرجمیں عمل درآمد ءِ فرمان داتگ ءُ سئے ماہ ءِ اندر ءَ رپورٹ لوٹ اتگ۔ آمید گس ءَ گُد گُد کنوکانی حلاف ءَ کارروائی کنگ، موبائل ایپ جوڑ کنگ، کسانیں زھگاں گُد گُد کنوکیں مردمانی حلاف ءَ کیس درج کنگ ءُ فلاحی مراگشاں فعال کنگ ءِ ہدایت داتگ۔ چیئرمین ءَ گوشت کہ ما ھمک روچ ڈی چوک، آبپارا، جناح سپر ءُ جی 11 ءِ سگنل ءَ ھوار جتا جتائیں سڑک ءُ چوک آنی سر ءَ ناتوان ءِ جاور ءَ زھگیں فقیراں گندیں کہ آ نہ ایوک ءَ انسانی ھمدردی ءِ نام ءَ کارمرد کنگ بوھگ ءَ اَنت بلکیں آھاں چہ منظم رنگ ءَ استحصال ھم کنگ بوھگ ءَ اِنت۔ پیاس انٹرنیشنل ءِ رد ءَ اسلام آباد ءَ ”زارا ءُ روشنی“ ءِ وڑیں ادارہ گیشتر فعال کنگ لوٹ اَنت، دانکہ بیگواھیں زھگ پچ گرگ بہ بنت ءُ مافیا انصاف ءِ دیم ءَ آرگ بہ بنت۔){kind=link}