راولپنڈی ۔27جون (اے پی پی):چیف آف آرمی اسٹاف فیلڈ مارشل سید عاصم منیر ءَ پاکستان ءِ اسٹریٹجک ءُ دیمروئی مول ءُ مراد آناں دیم ءَ برگ ءِ واستہ ادارگ آنی نیام ءَ ھمگرنچی، وت مہ وتی ءِ احترام ءُ یکجاھیں راجی مول ءُ مراد ءِ سر ءَ زور پر دات۔ آئی ءَ ورنائیں افسر آناں زور پر دات کہ آ راج ءِ واستہ وتی ذمہ واری آنی پیلو کنگ ءَ ایمانداری، پیشہ وارانہ ءُ راج دوستی ءِ عزم ءِ مستریں معیار ءَ را وتیگ بہ کن اَنت۔ آئی ایس پی آر ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ آرمی آڈیٹوریم ءَ برجم داشتگیں دیوان ءِ ساھت ءَ آرمی چیف آف اسٹاف فیلڈ مارشل سید عاصم منیر سول سروسز اکیڈمی ءِ 52می یکجائی ھیل کاری پروگرام (سی ٹی پی) ءِ آزمائشی افسر آنی گوما گپ ءُ تران کنگ ءَ ات۔ سول سروسز اکیڈمی ءِ آزمائشی افسر کشمیر، خیبر پختونخوا ءُ بلوچستان ءِ امن ءِ وھد ءِ جاہ ءُ آپریشنل دمگاں پاک فوج ءِ فارمیشنز ءَ گوں بندوک بوتگ انت۔ اے افسراں جتا جتائیں تعامل ءُ تر ءُ تاب ءِ وھد ءَ سئیں سروسز ءِ وشیں تجربہ زرتگ۔ آرمی چیف ءِ گوما رابطہ یک مزنیں راجی گامگیج ءِ بھر اِنت کہ ایشی ءِ مول ءُ مراد پاکستان ءِ سول ءُ فوجی سروکی ءِ نیام ءَ ادارگی یکوئی ءَ را مھکم کنگ ءُ وت مہ وتی مفاہمت ءَ را گیش کنگ اِنت۔ فیلڈ مارشل سید عاصم منیر ءَ وتی گشتانک ءِ تہ ءَ راجی سلامتی ءِ لوٹ، استیں تہی ءُ درائیں چیلنج ءُ دمگی امن ءُ راجی برجائی ءِ برجائی ءِ واستہ پاکستان ءِ سلاہ بندیں اُرد آنی المی کرد ءِ سر ءَ بازیں ھاسیں جیڈھ آنی سر ءَ تران کت۔ آئی ءَ پاکستان ءِ اسٹریٹجک ءُ دیمروئی مول ءُ مراد آناں دیم ءَ برگ ءِ واستہ ادارگ آنی نیام ءَ ھمگرنچی، وت مہ وتی احترام ءُ یکجائی راجی مول ءُ مراد ءِ سر ءَ زور پر دات۔ چیف آف آرمی اسٹاف ءَ ریاست ءِ گورننس ڈھانچہ ءِ تہ ءَ توانمند، شفاف ءُ سروس ءِ سر ءَ مبنی سول بیوروکریسی ءِ ناگزیریں کرد ءِ سر ءَ گیش زور پر دات۔ آئی ءَ ورنائیں افسر آناں زور پر دات کہ آ راج ءِ دیم ءَ وتی ذمہ واری آنی پیلو کنگ ءَ ایمانداری، پیشہ وارانہ ءُ راج دوستی ءِ عزم ءِ مستریں معیار ءَ را وتیگ بہ کن اَنت۔ سی ٹی پی ءِ بھر زوروکاں مزنیں فوجی سروکی ءَ گوں رابطہ کنگ ءُ پاک اُرد ءِ سروکی ءَ چہ آئی ءِ اسٹریٹجک وژن، آپریشنل تیاری ءُ راجی جزم ءُ دیمروئی ءِ تہ ءَ کثیر جہتی کرد ءِ ھوالگ ءَ رہشونی لوٹگ ءِ موہ ءِ ساڑاتگ۔ تر ءُ تاب ءِ آسر ءَ یک انٹرایکٹو جست ءُ پرس ءِ دیوان ءِ گوما آسر بوت، ایشی ءِ تہ ءَ پاکستان ءِ پائیدار دیمروئی ءِ واستہ جوڑیشت ءِ گپ ءُ تران، یکجائی ذمہ واری ءُ یکجائی عزم ءِ درشان کنگ بوت۔
