اسلام آباد۔24جون (اے پی پی):مذہبی امور ءِ وفاقی وزیر سردار محمد یوسف ءَ سئے شمبے ءِ روچ ءَ مرکزیت جمیعت اہل حدیث ءُ حافظ عبدالکریم ءِ نیمگ ءَ برجم داشتگیں کانفرنس ءَ گوں تران کنان ءَ دو مقدسیں مسیت آنی سرپرست ولی عہد محمد بن سلمان ءِ منت گپت۔ کامیاب حج ءِ سرا اتکگ۔ آئی ءَ سینیٹر حافظ عبدالکریم، مولانا علی محمد ابوتراب ءِ رہشونی ءِ پد ءَ ھاسیں منت واری ءِ درشان کت ءُ گوشت کہ ایشانی سرپرستی ءَ حج ءِ بندوبست گیش موثر بوت۔ آئی ءَ مولانا عبدالغفور ءُ ایندگہ زانتکار ءُ رضاکارانی ھم شگر ءُ منت گپت کہ آھاں پاکستان ءِ حکومت ءِ ھمراھی ءَ زائرین ءِ ھذمت ءَ وتی فرض لیک اِتگ۔ سردار محمد یوسف ءَ گوشت کہ مزن وزیر محمد شہباز شریف ءِ ھاسیں ہدایت ءِ رد ءَ درستیں بندوبست آناں گڈی رنگ داتگ، وھدیکہ پیسریگیں مزن وزیر نواز شریف ءَ ھم سرجمیں دل یکیمی ءِ درشان کت ءُ حج ءِ بندوبست مئے دست ءَ دات۔ آئی ءَ گوشت کہ من وت دو رند ءَ سعودی عرب ءَ شتگ آں اود ءِ بندوبست آنی چار ءُ تپاس ءَ بہ کناں دانکہ پاکستانی زیارتی آناں ھچ وڑیں مشکل ءِ آماچ مہ بیت۔ وفاقی وزیر ءَ گوشت کہ سعودی ولی عہد محمد بن سلمان ءِ ھاسیں ہدایت ءِ رد ءَ سعودی حکومت ءَ زائرین ءِ واستہ مثالی آسراتی پجاری کتگ۔ سعودی سفیر ءَ پاکستانی آنی واستہ آسراتی پجارینگ ءِ تہ ءَ سرجمیں کرد پیلو کتگ ءُ عملی رنگ ءَ پاکستانی سفیر ءُ نمائندہ ءِ بستار ءَ کار کتگ۔ آئی ءَ گوشت کہ آیوکیں حج ءِ واستہ روٹ مکہ پروجیکٹ ءِ چیر دستی ءَ لاہور ءُ پشاور ءَ چہ ھم سفر بندات کنگ بیت ایشی ءَ چہ زیارتی آناں گیش آسراتی رس ایت۔ وفاقی وزیر ءَ گوشت کہ دگنیا زانت کہ پاکستان ءُ سعودی عرب ءِ سیادی دیریں ءُ براتی انت۔ سعودی قیادت ءِ جذبات پہ مسلماناں بے درور انت ءُ ہمے سبب انت کہ عمرہ ءُ حج ءِ بابت ءَ تعلقات ہچبر ھلاس نہ بنت۔ آئی ءَ حج ءِ وھد ءَ ٹرانسپورٹ، نندگ ءُ ایندگر آسراتی آنی بندوبست ءَ را مثالی لیک اتگ ءُ ھمگرنچیں ھمک ادارگ آناں مبارک بات داتگ۔ سردار محمد یوسف ءَ گوشت کہ سعودی حکومت ءَ 12 ذوالحجہ ءِ روچ ءَ حج ءِ پالیسی ءِ جار جتگ ءُ مزن وزیر ءَ ہدایت کتگ کہ سعودی حکومت ءِ سرجمیں کمک ءَ گوں حج ءِ پالیشی آئی ءِ رھبند ءُ رھبندانی رد ءَ جوڑ کنگ بہ بیت۔ آئی ءَ گوشت کہ سعودی ڈل ءِ گوما ھم گند ءُ نند بوتگ ایشی ءِ تہ ءَ راجی اسمبلی ءِ اسپیکر ءُ سعودی سفیر ھم ساڑی بوتگ انت۔ دوئیں ملک آنی نیام ءَ یک مفاہمت نامہ ءِ سر ءَ دستخط کنگ بوت کہ ایشی ءِ مول ءُ مراد دوئیں براتیں اسلامی ملک آنی نیام ءَ وت مہ وتی کمک ءَ را گیش کنگ اِنت۔ ایشی ءَ چہ پیسر سعودی سعودی سفیر نواف سعید المالکی ءَ مسلم امت ءِ یکوئی، دیمروئی ءُ وشھالی ءِ واستہ سرجمی ءَ کمک ءِ واستہ وتی جزم ءِ پدا زور دات۔ ھمے رنگ ءَ دو مسجد شریک ءِ نگہبان ءُ ولی عہد محمد بن سلمان ءَ وتی جزم ءِ درشان کت کہ آ رحمت ءِ مہمان آنی آسراتی ءُ آسراتی آنی تہ ءَ نوکیں چیز آنی دیم ءَ برگ ءَ انت۔ ایشی ءَ چہ پیسر دگہ گشتانک دیوکاں حج ءِ ھوالگ ءَ جوانیں بندوبست آنی پد ءَ پاکستان ءُ سعودی حکومت ءَ را شگر ءُ منت گپت ءُ گوشت کہ مذہبی کار آنی وفاقی وزیر سردار محمد یوسف ءَ پاکستان ءِ زائرین آنی واستہ ارزشتی ایں کوشست کتگ۔ مرکزی جمعیت اہل حدیث ءُ پاک سعودی یکوئی کونسل ءِ نیمگ ءَ برجم داشتگیں حج کانفرنس ءَ وفاقی وزیر مذہبی سردار محمد یوسف ءُ سعودی سفیر نواف سعید المالکی ءَ را اعزازی سپر دات۔ مہمان ءِ مستریں مہمان وفاقی وزیر مذہبی سردار محمد یوسف، اعزاز مہمان سعودی سفیر نواف بن سعید المالکی بوتگ، وھدیکہ چیئرمین شپ امیر جمیعت اہل حدیث سینیٹر ڈاکٹر حافظ عبدالکریم ءَ کتگ۔ سٹیج سیکرٹری ءِ زمہ واری مولانا عاطق الرحمن شاہ و پروفیسر سجاد قمر ءَ پیلو کتگ ات۔ کانفرنس ءِ تہ ءَ سیکرٹری جنرل جمیعت علماء اسلام مولانا عبدالفار حیدری، صدر پاک سعودی یکوئی کونسل مولانا علی محمد ابو تراب، سیکرٹری جنرل پاک سعودی یکجہتی کونسل مولانا فضل الرحمن خلیل امیر جمعیت علماء اسلام س مولانا عبدالحق ثانی، مولانا محمد احمد لدھیانوی، سیکرٹری جنرل جمعیت اہل حدیث مولانا عبدالرشید حجازی، مولانا سبطین شاہ نقوی، مفتی فیروز الدین ہزاروی، مولانا شفیق الرحمن علوی ،حافظ فیصل افضل ءَ گشتانک دات۔
