اسلام آباد۔ 24 جون (اے پی پی) وزیراعظم محمد شہباز شریف تون پاکستان اٹی سعودی عرب نا سفیر نواف بن سعید المالکی سے شنبے نادے آ داڑے اوڑدہی کرے و دے ٹک نیامی نا ترندی اٹ بدل مروک حالیت آتیا گپ وتران کرے۔ ’’ایکس‘‘ آ اسہ پوسٹ اسے ٹی وزیراعظم پارے کہ اوڑدہی ٹی او خادم حرمین الشریفین شاہ سلمان بن عبدالعزیز و ولی عہد و وزیراعظم شہزادہ محمد بن سلمان کن نیک است خواہی نا درشانی ءِ کرے۔ وزیراعظم پارے کہ اوڑدہی ٹی او سعودی عرب نا ایلم الس تون پاکستان نا بدل مفروک یکجہتی نا درشانی ءِ کرے، پاکستان گپ وتران و سفارتکاری نا کمک اٹ ڈیہہ اٹی امن کن سعودی عرب تون اواری اٹ کاریم کرسا کیک۔
