اسلام آباد۔24جون (اے پی پی) وزیراعظم محمد شہباز شریف امیر قطر و قطر انا الس تون یکجہتی نا درشانی ءِ کرساپارے کہ پاکستان دے ٹک نیامی ٹی پائیدار امن کن مدام مذاکرات و سفارتکاری آ زور شاغانے۔ سے شنبے نادے آ تینا ’’ایکس‘‘ کلہو اٹی وزیراعظم پارے کہ تدوک آ دے انا جلہو آتیان پد امیر قطر و قطرانا ایلم الس تون یکجہتی نا درشانی ءِ کننگ کن قطرانا سفیر تون اوڑدہی مسنے۔ نن قطر انا ایڑھ ایلم و مچ آ ڈیہہ انا سلامتی کن دعاکننگ اُن۔ اوپارے کہ دے ٹک نیامی ٹی پائیدار امن نا کسر بیرہ مذاکرات و سفارتکاری ٹی ءِ، پاکستان مدام دے ٹک نیامی ٹی پائیدار امن کن مذاکرات و سفارتکاری آ زور شاغانے۔
