ہرچناءِ ساف دِیر و جان جوڑ آخبت اس تننگ ننا قومی زمواری ءِ، وزیر مملکت جان جوڑی نا کانفرنس آن تران

اسلام آباد۔ 23 جون (اے پی پی) وزیر مملکت جان جوڑی ڈاکٹر مختار احمد بھرتھ پارینے کہ ہرچناءِ  ساف دِیر و جان جوڑآخبت اس تننگ ننا قومی زمواری ءِ ، پاکستان اٹی پنچ سال آن کم وئی چناتیٹی دست انا ناجوڑی داسہ ہم ناجوڑی و مرک آتا بھلاسوب ءِ۔ داخیال آتا درشانی ءِ او اسلام آباد اٹی دست آتا ناجوڑی نا بابت کانفرنس آن تران اٹی کرے۔ کانفرنس نا مسخت دست آتا ناجوڑی نا متکن آ ویل اتون مون تننگ ءِ۔ اوپارے کہ پاکستان ءِ چندی ناجوڑی تیان رکھ تخنگ کن جان جوڑی نا سوگو نظام اس تیار کننگ ءِ۔ ساف دِیر، سفائی و بریبردرمان اسکان رسینگ ہی دیرپاایسری ءِ، ہیلتھ سیکورٹی پلان 2024-2028آ عملدرآمد کننگ المی مسنے۔ ڈائریا نا چٹفنگ اسیجائی شعبہ جاتی گام گیج آتیان ممکن ءِ، کورونا، ایم پاکس و ایچ ایم پی وی کون آ خطرہ غاتون مون تننگ کن گچین چاروکی المی ءِ۔ اوپارے کہ کانفرنس بیرہ مکالمہ اس اف ، دا عملی گام گیج آتا پوسکن آ خواست ءِ، شونداری شریدار آک قومی اولیت آتون ہم گرنچ مرسا کمک کیر۔