مزن وزیر ڈیجیٹل یوتھ ہب ءِ سر ءَ 2.6 ملین ورنا رجسٹر کنائینت

اسلام آباد۔23جون  (اے پی پی): مزن وزیر ورنا پروگرام ءِ چیر دستی ءَ تاں انوگ ءَ مزن وزیر ڈیجیٹل یوتھ ہب ءِ سر ءَ 2.6ملین ءَ چہ گیش ورنا آنی رجسٹریشن بوتگ ایشی ءَ چہ پلیٹ فارم ءِ استثنائی سرپدی ءُ مزنیں گنجائش آناں پدر کنگ بوتگ۔ اے قابل ذکریں سوبمندی ڈیجیٹل مہارت ءُ موہ آنی وسیلگ ءَ ورنا آناں بااختیار جوڑ کنگ ءِ حکومت ءِ عزم ءَ را پدر کنت۔ مزن وزیر ورنا پروگرام ءِ یک کارندہ ءِ رد ءَ انوگیں وھد ءَ بندات بوتگیں ڈیجیٹل ورنا مرکز ءِ مول ءُ مراد ڈیجیٹل فرق ءَ را گیش کنگ ءُ ورنا آناں مرچیگیں ڈیجیٹل زمین ءِ تہ ءَ دیمروئی کنگ ءِ واستہ المی ئیں مہارت آنی گوما لیس کنگ اِنت۔ 2.6 ملین ءَ چہ گیش رجسٹریشن ءِ گوما اے پلیٹ فارم ورناہاں موہ ءِ شوہازگ ءِ منزل جوڑ بوتگ۔ آئی ءَ گوشت کہ ڈیجیٹل یوتھ ہب ءِ تہ ءَ ملکی ءُ درملکی ھزار ءَ چہ گیش کمپنی آں وتی نام نبشتہ کتگ۔ آئی ءَ گوشت کہ پلیٹ فارم ءِ ترندیں دیمروئی حکومت ءِ وتی ورنا آبادی ءِ توانائی ءَ را کارمرد کنگ ءِ کوشست آنی گواہ اِنت۔ اے گامگیج ملک ءِ آیوکیں باندات ءِ واستہ راہ پچ بیت۔ اے چہ رہشونانی جوڑ کنگ ءُ اقتصادی دیمروئی ءَ را دیم ءَ برگ ءَ مزنیں کردے پیلو کنگ ءِ گمان اِنت۔ رجسٹریشن چہ سرجمیں ملک ءَ جاری اِنت۔ ورناہ وتی مہارتاں گیش کنگ ءُ نوکری ءِ شریں امکانات ءَ را پچ کنگ ءِ ھاتر ءَ پلیٹ فارم ءِ وسیلگاں چہ پائدگ چست کن اَنت۔ آئی ءَ گوشت کہ اے پلیٹ فارم ءِ دیمروئی ءِ واستہ ملکی ورنا آنی سر ءَ مزنیں اثر ءِ امیت انت، آھاں معیشت ءُ چاگرد ءِ تہ ءَ جوانیں کرد پیلو کنگ ءِ واستہ توانمند جوڑ کنت۔ چیئرمین مزن وزیر ءِ ورنا پروگرام رانا مشہود احمد خان ءَ گشتگ کہ حکومت ورنا آناں دستیابیں درستیں وسیلگ آنی پجاری ءِ واستہ جزم انت۔ ورنا وتی توانائی ءِ رد ءَ موہ آنی پدگیری ءِ واستہ مزن وزیر ءِ ڈیجیٹل یوتھ ہب ءِ ویب سائٹ ءَ کارمرز بہ کن اَنت۔