اسلام آباد۔21جون (اے پی پی):وفاقی وزیر برائے میری ٹائم محمد جنید انور چوہدری ءَ گوشت کہ موسمی بدلی ءِ ھترہ آناں گر ءُ چیل بوھگ ءِ واستہ بندرگاہ ءِ نادراھجاہ آنی تہ ءَ بنیاتی اصلاحات المی اَنت، ءُ جان سلامتی ءِ بنیاتی ڈھانچہ ءَ را جھان ءِ رہبند آنی رد ءَ جوڑ کنگ بیت۔ شمبے ءِ روچ ءَ ادا جاڑی بوتگیں بیان ءِ تہ ءَ آئی ءَ گوشت کہ بندرگاہ ءِ اسپتال آنی تہ ءَ موسمی مٹ ءُ بدلی ءِ گوما ھمگرنچیں نوکیں جان سلامتی ءِ نظام ءِ بندات کنگ ءِ منصوبگ ءِ چیر دستی ءَ کے پی ٹی، پورٹ قاسم ءُ گوادر ءِ اسپتال آنی تہ ءَ چاگردی رکھینگ ءِ گامگیج چست کنگ بنت، اسپتال آنی تہ ءَ ایمرجنسی رسپانس ءُ ڈیجیٹل سسٹم ءِ دیمروئی کنگ بیت۔ جنید انور چوہدری ءَ گوشت کہ جان سلامتی ءِ بنیاتی ڈھانچہ ءَ را جھان ءِ رہبند آنی رد ءَ جوڑ کنگ بیت، موسمیاتی بدلی ءِ ھترہ آناں گر ءُ چیل بوھگ ءِ واستہ بندرگاہ ءِ نادراھجاہ آنی تہ ءَ بنیاتی اصلاحات المی اَنت۔ جنید انور چوہدری ءَ گوشت کہ سمندری حادثہ ءُ وبا آنی ھلاپ ءَ جنگ ءِ واستہ نوکیں طبی آسراتی پجاری کنگ بنت ءُ بندرگاہ آنی تہ ءَ کار کنوکیں مزدور آنی جان سلامتی ءُ ماہی گیری ءِ کمیونٹی ءِ جان سلامتی مئے اولی ترجی اِنت۔ جنید انور چوہدری ءَ گوشت کہ ورلڈ ہیلتھ آرگنائزیشن ءُ میری ٹائم لیبر کنونشن ءِ لوٹ آنی سر ءَ عمل کنگ ءَ را دل یکیمی کنگ بیت، بندرگاہ آنی نادراھجاھ آنی تہ ءَ مات ءُ زھگ ءِ جان سلامتی ءِ شوبگ ءَ را مھکم کنگ بیت، ذہنی جان سلامتی ءِ گہتری ءُ سٹرس ءِ کم کنگ ءِ واستہ پروگرام بندات کنگ بیت۔ جنید انور چوہدری ءَ گوشت کہ بندرگاہ ءِ جان سلامتی ءِ نظام ءِ جوانیں نگرانی ءِ واستہ ھاسیں ٹیم جوڑ کنگ بیت، ءُ جان سلامتی بندرگاہ ءِ کارندہ راجی معیشت ءِ ریڑھ ءِ ھڈ انت۔
