شیخوپورہ۔ 21 جون (اے پی پی): پاکستان مسلم لیگ نواز ءِ سینئر ءُ مرکزی رہشون، راجی وردن ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گشتگ کہ فیلڈ مارشل جنرل عاصم منیر ءِ امریکہ ءِ تر ءُ تاب پاکستان ءِ شرپ، آجوئی ءِ پڑ ءُ دفاعی حیثیت ءِ منگ ءِ تہا یک سنگ میل ءِ ثابت بیت۔ امریکہ ءِ صدر ڈونلڈ ٹرمپ ءَ اے گپ من اِتگ کہ پاکستان ناشرکاریں ملکے نہ اِنت بلکیں یک پرایمنی جمہوری ءُ انسان دوستیں ملکے کہ آئی ءَ ناشرکاری ءِ ھلاپ ءَ گیشتریں قربانی داتگ۔ اے تر ءُ تاب ءَ چہ دوئیں ملک آنی نیام ءَ دل یکیم ءِ جوہ ءِ جوڑ کنگ ءَ چہ دو نیمگی تجارتی سیادی آناں گیش پراھ ءُ مھکم کنگ بیت۔ اے وھد ءَ ملک ءِ سیاسی ءُ فوجی سروکی ھمے تاک ءَ اِنت کہ امریکہ ءَ ھوار سرجمیں دگنیا ءَ ھمے تاک ءَ سرپد بوتگ ءُ سرپد بوتگ۔ اے ھیالانی درشانی آئی ءَ اے پی پی ءَ گوں تران کنان ءَ کت۔ وفاقی وزیر رانا تنویر حسین ءَ گوشت کہ ایوان ءَ بجٹ ءِ سر ءَ بحث ءَ پد حکومت المی ترمیم کنگ ءَ انت ۔ وفاقی حکومت ءِ ارادہ نیست کہ آ راج ءِ سرا ہچ وڑیں بار ءَ ایر بہ کنت۔ آئی ایم ایف ءِ نیمگ ءَ چہ وام ءِ زورگ پہ ملک ءِ معیشت ءَ را پاد ایر کنگ ءَ ناگزیر ات بلے سرکار نوں وام ءِ سر ءَ انحصار نہ کنت بلکیں ملک ءِ وسیلگ پہ اقتصادی دیمروئی ءَ کارمرز کنگ بنت۔ جاور ھرچ وڑیں گران بہ بنت بلے عام مردم ءِ سر ءَ مہنگائی ءِ بار ھچبر گیش نہ بیت۔ مہنگائی ءِ ھوالگ ءَ الس ءَ را گیش ریلیف پجارینگ حکومت ءِ کلیدی اولویت اِنت۔ وفاقی حکومت ءِ وڑ ءَ پنجاب حکومت ءَ ھم راج دوستیں بجٹ پیش کتگ ءُ راج ءِ واھشت آنی درشان کنان ءَ عام مردم ءِ وشھالی ءِ ھاترا جوانیں اصلاحات پیش کتگ۔ پنجاب ءِ بجٹ ءِ سر ءَ ھم گڈی منظوری ءَ پد ترندیں رنگ ءَ عملدرآمد کنگ بیت ایشی ءَ چہ صوبگ ءَ دیمروئی ءِ رفتار گیش گیش بیت۔ انوگیں سرکار راج ءِ جیڑہاں چہ در کنگ ءِ واستہ سک جہد کنگ ءَ انت۔ سرکاری گامگیج آنی سبب ءَ مہلوک ءَ را مہنگائی ءَ چہ ریلیف رستگ ءُ اقتصادی ءُ تجارتی کارانی بحالی ءَ گوں بے روزگاری ءَ ہم مزنیں کساسے ءَ کمی اتکگ۔ زوت دراہیں معاشی جیڑہ ہلاس بنت ءُ مہلوک آباد بیت۔
