اسلام آباد۔21جون (اے پی پی):وفاقی وزیر خزانہ محمد اورنگزیب ءَ گوشت کہ حکومت ءِ وژن جامع ءُ سرجمیں دیمروئی ءِ ھاترا راہ پچ کنگ بوتگ، ملک ءِ معیشت ءَ را مھکمیں بنیات آنی سر ءَ جوڑ کنگ ءِ راہ پچ کنگ بوتگ، گوستگیں مالی سال ءَ ھم ھچ وڑیں منی بجٹ پیش نہ بوتگ، درآمد ءِ پینل ءِ تہ ءَ 4600 ءَ چہ کم کنگ بوتگ۔ 10درسد، کم ءُ میان استمانی تبک ءِ سرکاری ملازم آنی سر ءَ ماہانہ ٹیکس گیش کم کنگ بوتگ، ناجائزیں منافع خور آناں الس ءِ استحصال کنگ ءِ اجازت نہ دیگ بیت، سینیٹ ءِ قائمہ کمیٹی ءِ مالیات ءُ آمدنی ءِ پنجاہ درسد سفارشات بجٹ ءِ بھر جوڑ کنگ بنت، زرعی دوائی آنی سر ءَ ٹیکس ءِ سر ءَ ٹیکس ءِ رد کنگ بوتگ ءُ یک ہزار گریجویٹ چین ءَ روان دیگ بنت۔ شمبے ءِ روچ ءَ ایوان بالا ءَ آیوکیں مالی سال ءِ بجٹ ءِ ھوالگ ءَ بحث ءِ آسر کنان ءَ وزیر ءِ ھزانگ ءَ گوشت کہ بجٹ حکومتی پالیشی ءِ سر ءَ عمل کنگ ءِ واستہ یک المی ئیں وسیلہ یے۔ اے سبب انت کہ بجٹ ءِ سرا بحث ہم راجی اسمبلی ءُ سینیٹ ءِ سالانہ کارروائی ءِ مستریں بہر انت۔ آئی ءَ گوشت کہ 2025-26ءِ بجٹ ءِ سر ءَ برجاھیں بحث ءِ آسر کنگ ءِ وھد ءَ من اے گپ ءَ گوں دلجمی ءَ من آں کہ گوستگیں یک ءُ نیم ہفتگ ءِ تہ ءَ ما اے عزت مندیں ایوان ءَ سک باز سنگین، متوازن ءُ بامردیں مشورہ ءِ بھر بوتگیں، ایشی ءِ تہ ءَ سینیٹ ءِ باسک آں بجٹ ءِ سر ءَ وتی ھیال ءُ لیکہ ءِ درشانی کتگ۔ بے شک ایشانی گپ ءُ تران ءُ پنت ءُ شون ءَ مارا جتا جتائیں رنگ ءَ رھشونی کتگ، مئے پالیسیانی چار ءُ تپاسی کتگ ءُ ملک ءَ را اقتصادی وت واجہی، شفافیت ءُ دیمروئی ءِ راہ ءَ ایر کنگ ءِ مئے جزم ءَ را مھکم کتگ۔ آئی ءَ گوشت کہ من ھاسیں رنگ ءَ سینیٹ ءِ قائمہ کمیٹی برائے مالیات ءُ آمدنی ءِ منت وار آں ھاسیں رنگ ءَ سینیٹر سلیم مندوی والا ءُ آئی ءِ ھمکار فاروق حامد نائک، شیری رحمان، محسن عزیز، سید شبلی فراز، انوشا رحمان، شہزیب درانی، فیصل خضوث علی عودہ، سبزوری ءُ محمد عبدالقادر۔ اے کمیٹی ءَ بازیں دراجیں ءُ تفصیلی دیوان آنی تہ ءَ بجٹ ءِ تجویز آنی سر ءَ سرجمیں ءُ گہتری ءِ چار ءُ تپاسی کتگ۔ منی ابید اے دیوان آنی تہ ءَ بلال اظہر کیانی، چیئرمین ایف بی آر، سیکرٹری فنانس ءُ اے دگہ سیادی داروکیں وزارت ءُ محکمہ آنی نمائندگ آنی تہ ءَ بھر زوری بوتگ۔ اے دیوان آنی تہ ءَ حکومت ءَ وتی موقف ءِ درشانی کت ءُ ایوان ءَ اے نکات آناں پدریں رنگ ءَ سرپد ءُ ستا کرتگ۔ اے گپ ءُ تران ءَ مارا اجتماعی عقل ءُ زانت ءِ گوما بجٹ ءِ تجویزاں گہتر کنگ ءَ کمک کت۔ آئی ءَ گوشت کہ من بجٹ ءِ گشتانک ءَ اے گپ پدر کت کہ ما گوستگیں مالی سال ءَ ھچ وڑیں منی بجٹ آرگ نہ کتگ۔ ما مالیاتی نظم ءُ ضبط ءَ را برجم داشتگ، مہنگائی ءَ را کنٹرول کتگ، زرّ ءِ ذخائر ءَ را گیش کتگ ءُ کرنٹ اکاؤنٹ ءَ مزنیں گہتری آورتگ۔ اے درستیں گامگیج آنی مول ءُ مراد پاکستان ءَ را معاشی بے وسی ءِ آدل ءَ چہ در کنگ ءُ پائیداریں دیمروئی ءِ راہ ءَ ایر کنگ اِنت۔ اے راہ ءَ دیم ءَ روگ ءِ واستہ حکومت ءَ وتی مالیاتی نظم و ضبط ءَ برجائی کنان ءَ اے بجٹ ءَ الس ءِ وشھالی ءِ واستہ بازیں گامگیج آنی جار جتگ۔ من اے ایوان ءِ دیم ءَ اے ھاسیں گامگیج آنی تہ ءَ لھتے ءِ گپ ءَ پدا دیم ءَ آرگ لوٹ آں ۔ وزیر ءِ ھزانگ ءَ گوشت کہ مئے معیشت ءِ تہ ءَ کم ءُ میاں اوستمانی آمدنی ءِ مردم ھاسیں کرد ءَ پیلو کن اَنت۔ اے ہما طبقہ اِنت کہ مہنگائی ءِ آماچ اِنت ءُ ٹیکس ہم دنت، اے تنخواہ داریں طبقہ ءِ سرا جتگیں انکم ٹیکس ءَ را کم کنگ ءِ تجویز پیسر ءَ چہ بجٹ ءِ تجویز آنی بہر اِنت۔ اے درگت ءَ حکومت ءَ مزن وزیر ءِ ھاسیں پنت ءُ شون ءِ سر ءَ انکم ٹیکس ءِ شرح 2.5 درسد ءَ چہ کم کتگ ءُ 10کروڑ کلدار ءِ نیام ءَ پگار ءِ واھند آنی واستہ ایوک ءَ یک درسد کتگ۔ 6 لکھ ءُ 1000 روپیہ ءِ زرّ ءِ سرا زرّ داتگ۔ 12 لکھ ءِ سرا بوتگ۔ ایوک ءَ یک درسد انکم ٹیکس ءِ نفاذ یک علامتی ءُ عملی اعترافے کہ ریاست اے طبقہ ءِ سرا بار کنگ نہ لوٹیت۔ مئے دومی گام سرکاری کارندہانی پگار ءُ پنشن گیش کنگ ات۔ سرکار ءَ سرکاری کارمندانی مشکل ءِ سرپد بوھگ ءَ پد پگار 10 ءُ پنشن 7 درسد گیش کتگ۔اے گامگیج ءَ چہ آھاں نہ ایوک ءَ ریلیف رس ایت بلکیں کارمنداں اے مارشت ھم رس ایت کہ ریاست آھانی ھمراھی ءَ اوشتاتگ۔ آئی ءَ گوشت کہ زرعی کیمیکلز ءِ سر ءَ ٹیکس ھلاس کنگ بوتگ ءُ مزن وزیر ءِ پنت ءُ شون ءِ رد ءَ یک ہزار گریجویٹ چین ءَ دیم دیگ بنت۔ درآمد بوتگیں سولر پینل ءِ جز آنی سر ءَ 18درسد سیلز ٹیکس ءِ ایر کنگ ءِ بنداتی پیسلہ دمگی صنعت ءِ رکھینگ ءُ پاکستان ءَ سولر ٹیکنالوجی ءِ جوڑیشت ءُ سرمایہ کاری ءَ را دیمروئی دیگ ءِ واستہ یک برابریں میدان ءِ پھجارینگ ءِ واستہ کنگ بوتگ۔ بلے دوئیں ایوان آنی تہ ءَ بجٹ ءِ سر ءَ سرجمیں ھیال ءُ لیکہ ءَ پد ءُ شرپداریں باسک آنی سوج آنی رژنائی ءَ حکومت ءَ سنجیدگی ءُ لچک ءِ درشان کنان ءَ پیش کرتگیں ٹیکس ءَ را دہ (10) درسد ءَ کم کنگ ءِ پیسلہ کتگ ءُ اے ٹیکس ایوک ءَ درآمد بوتگیں چل ءُ شش (46) درسد ءِ سر ءَ کارمرد بیت۔ ھمے رنگ ءَ درآمد بوتگیں سولر پینل آنی نھاد ءَ ایوک ءَ 4.6درسد گیشی بیت۔ اے گامگیج حکومت ءِ نہ ایوک ءَ صنعت آناں دیمروئی دیگ ءِ عزم ءِ گواہ اِنت بلکیں پاک ءُ قابل تجدید توانائی ءِ نیمگ ءَ رھادگ بوھگ ءِ وتی وژن ءِ سر ءَ مھکمیں رنگ ءَ عمل کنگ ءِ گواہ اِنت تانکہ پاکستان یک پائیدار، وت واجہ ءُ چاگرد دوستیں معیشت ءِ نیمگ ءَ دیم ءَ شُت کنت۔ آئی ءَ گوشت کہ درآمد بوتگیں سولر پینل آنی سر ءَ پیش کرتگیں 10درسد جی ایس ٹی ءِ سر ءَ عمل کنگ ءَ چہ پیسر ھم مارا لھتیں عناصر آنی نیمگ ءَ منافع ءُ ذخیرہ کنگ ءِ ھال رستگ۔ اے موہ پرستیں عناصر ءِ نیمگ ءَ چہ بُرز ءِ تجویز ءِ عملی نفاذ ءَ پیسر ھم قیمتانی تہ ءَ وتی مرضی ءِ گیشی مذمت ءِ لائک اِنت۔ من اے عناصراں سک باز ھال دیان آں کہ حکومت راج ءِ مفاد ءِ ھاترا ھرچ وڑیں گامگیج چست کنت۔ کس ءَ را لس مھلوک ءِ استحصال کنگ ءِ اجازت نہ دیگ بیت ءُ اے عناصر ءِ ھلاپ ءَ کانود ءِ رد ءَ سکیں سختیں کارروائی کنگ بیت۔ آئی ءَ گوشت کہ بجٹ 2025-26ءِ تہ ءَ ھواریں ریلیف ءُ چاگردی سلامتی ءِ گامگیج ایوک ءَ عارضی ریلیف نہ اَنت بلکیں ریاست ءِ وتی ذمہ واری آناں منگ ءُ سرجم کنگ ءِ عملی درشان اَنت۔ اے گامگیج آنی تہ ءَ بے نظیر انکم سپورٹ پروگرام ءِ بجٹ ءَ را 592ارب ءَ چہ 716ارب ءَ گیش کنگ بوھگ ءَ اِنت۔ بی آئی ایس پی ءِ چیر دستی ءَ مالی کمک ءِ دائرہ کار ءَ را گیش کنگ حکومت ءِ اے جزم ءِ درشان اِنت کہ آ نزور تریں تبک ءَ را ھاسیں رنگ ءَ بیواہ، یتیم، مزنیں شہری ءُ ھاسیں مردم آناں اقتصادی ایمنی ءِ پھجارینگ ءَ اِنت۔ اے گامگیج ءَ چہ نہ ایوک ءَ نزیک ءَ یک کروڑ ءِ ھاندان آناں مالی کمک رس ایت بلکیں آھانی زندمان ءَ را دراجیں مدت ءِ استحکام ھم رس ایت۔ آئی ءَ گوشت کہ بجٹ ءِ تہ ءَ دھاندلی ءِ کیس آنی تہ ءَ ایف بی آر ءِ جوانیں رنگ ءَ نفاذ ءُ اختیارات آنی ھوالگ ءَ مزن وزیر ءِ ھاسیں پنت ءُ شون آنی سر ءَ پیش کرتگیں کانود ءِ تہ ءَ گیش گامگیج ھوار کنگ بوتگ تانکہ اختیارات آنی ناجائز کارمرد کنگ ءِ امکان مہ بیت۔ اے درگت ءَ مئے گوں سینیٹر سلیم مندوی والا ءُ فاروق ایچ نائیک ءَ جوانیں وانگ ءُ زانگ ءُ کارآمدیں دیوان بوتگ اَنت۔ حکومت ءَ اے جیڈھ آنی سر ءَ گوں آھاں گوں پچیں ھیال ءُ دل ءَ گپ ءُ تران کت ءُ آھانی ھیال ءِ احترام ءَ ءُ مزن وزیر ءِ ھدایت آنی رژنائی ءَ لھتیں نکات آنی سر ءَ ھاسیں چمشانک ءُ گہتری دات۔ من راجی اسمبلی ءَ بجٹ ءِ بحث ءَ آسر کنگ ءِ وھد ءَ اے درگت ءَ تفصیل پیش کناں۔ آئی ءَ گوشت کہ حکومت ءَ را سینیٹ ءِ قائمہ کمیٹی برائے فنانس ءُ ریونیو ءِ سفارش رستگ انت۔ منی اُمیت اِنت کہ گوستگیں سال ءِ وڑ ءَ قائمہ کمیٹی ءِ پنجاہ درسد ءَ چہ گیش سفارشات اے سال ءَ ھم فنانس بل ءِ بھر جوڑ کنگ بنت۔ سینیٹ ءِ وڑ ءَ ما ھم راجی اسمبلی ءِ قائمہ کمیٹی برائے فنانس ءِ گوما سرجمیں شور ءُ سلاھ ءَ برجاہ دارگ ءَ ایں ءُ اے شور ءُ سلاہ ءِ سرجم کنگ ءَ پد ما فنانس بل ءِ گڈی شکل ءَ سر بئیں ۔ وزیر خزانہ ءَ گوشت کہ مئے حکومت ءِ وژن استحکام ءَ گوں بندوک نہ اِنت، مئے واستہ اے ایوک ءَ سٹاپ اِنت، منزل نہ اِنت۔ مئے راستیں کوشست یک سرجمیں، ھواریں ءُ پائیداریں دیمروئی ءِ بھر اِنت کہ ایشی ءِ تہ ءَ درستیں پاکستانی دیمروئی ءِ واستہ یک وڑیں موہ رس اَنت، معیشت ءِ تہ ءَ بھر زوری ءِ ھک ھست ءُ ملک دیمروئی ءِ یک انچیں ماڈل ءِ نیمگ ءَ رھادگ بیت کہ پاکستان ءِ مزن وزیر ءِ وژن ءِ گوما ھمگرنچ بہ بیت۔
