اسلام آباد۔21جون (اے پی پی):وفاقی تہی کارانی وزیر محسن نقوی ءَ صوابی ءَ پولیس ءِ کارندہ آنی سر ءَ تیرگواری ءِ وئیل ءِ مذمت کتگ ءُ شھید بوتگیں پولیس ءِ کارندہ آنی کھول ءِ گوما دل ءِ تہ ءَ ھمدردی ءُ دلپدردی ءِ درشانی کتگ۔ وزارت داخلہ ءِ نیمگ ءَ چہ جاڑی بوتگیں بیان ءِ تہ ءَ وزیر داخلہ محسن نقوی ءَ پولیس ءِ دوئیں کارندہ جمال الدین ءُ زاہد ءَ را توسیپ ءُ ستا پیش کت، آ تیرگواری ءَ شہید بوتگ اَنت۔ وزیر داخلہ محسن نقوی ءَ شہیدیں پولیس کارندہانی کھول ءِ گوما دلپدردی ءِ درشانی کتگ ءُ گشتگ کہ شہید پولیس جمال الدین ءُ زاہد ءِ کھول ءِ غم ءَ شریک انت۔ محسن نقوی ءَ گشتگ کہ پولیس ءِ کارندہ شہادت ءِ مستریں درجہ ءَ سر بوتگ انت۔ خیبر پختونخوا پولیس ءِ دلیریں زھگاں ناشرکاری ءِ ھلاپ ءَ جنگ ءَ بے دروریں قربانی داتگ۔ محسن نقوی ءَ گوشت کہ خیبر پختونخوا پولیس ءِ مزنیں قربانی آناں سلام انت ۔ آئی ءَ گوشت کہ شھید بوتگیں پولیس کارندہ آنی قربانی بے سوب نہ رو اَنت۔
