اسلام آباد۔20جون (اے پی پی):صدر آصف علی زرداری ءَ پاکستان ءِ راجی ھاکی ٹیم ءَ را فرانس ءِ سر ءَ سیمی فائنل ءَ سوبمندی ءِ سر ءَ مبارک بات داتگ۔ جمعہ ءِ روچ ءَ صدارتی ایوان ءِ پریس ونگ ءِ رد ءَ پاکستان ءَ ایف آئی ایچ نیشنز کپ کوالالمپور ءِ سیمی فائنل ءَ فرانس ءِ سر ءَ جوانیں سوبمندی زرتگ۔ صدر آصف علی زرداری ءَ پاکستان ءِ راجی ہاکی ٹیم ءَ را ہاکی ءِ سیمی فائنل ءَ فرانس ءِ سرا زبردستیں سوبمندی ءِ پد ءَ مبارکی دات۔ صدر ءِ مملکت ءَ گوشت کہ کھڈکار آنی مزنیں کارکردگی، جزبگ ءُ ٹیم ورک ءَ را شگر ءُ منت وار آں۔ صدر آصف علی زرداری ءَ گوشت کہ راجی ٹیم ءَ میاں اوستمانی تک ءَ پاکستان ءِ شرپ بُرز کتگ ۔ صدر ئِ مملکت ئَ گوشت کہ اے سوبمندی راج ئِ واستہ پھر ءُ وشی ئِ آدینک اِنت۔ صدر آصف علی زرداری ءَ گوشت کہ ھاکی ٹیم ءِ صلاحیت، جزم ءُ محنت ستا کرز انت، من ءَ یقین انت کہ ھمے جزبگ ءَ گوں ٹیم فائنل ءَ سوبمندی حاصل کنت۔
