اسلام آباد۔ 20 جون (اے پی پی) بنجائی وزیر کانود اعظم نذیر تارڑ پارینے کہ بنجائی وزیر خزانہ پگہ بجٹ آ شرہ ءِ چٹفک، بلوچستان نا ویل آک بھاز گھمبیر ءُ، ننا نیت آ شک کننگپ، بنجائی حکومت صوبہ کن انتس کہ کننگ کرے کیک۔ جمعہ نادے آ سینیٹ اٹی چندی باسک آتا کنڈآن چست کروک آ ٹک آتا ورندی ءِ ترسا اوپارے کہ وزیراعظم شہباز شریف بلوچستان نا شونداری آ خاص چکار کننگ ءِ، بلوچستان اٹی چار دانش اسکول تفنگک، اسہ اسکول آ مسہ ارب روپئی خڑچ بریک، حکومت بلوچستان ءِ ہم داڑآ آن بورڈ ہلنگانے، ہنداوڑ پی ڈی ایل نا ہراتم فیصلہ مس تو وزیراعظم پارے کہ خراج مچ آ ملک آن یکجا مروئیءِ، ای بلوچستان ءِ دا آسراتی ءِ تننگ خواوہ، خونی سڑک آتا باندات داڑے کیہی وار ہرفنگا اومچ آ زر ءِ اوڑکن گدریفنگانے و کوئٹہ، چمن کراچی شاہراہ ءِ گچین کننگک ۔ اوپارے کہ بلوچستان ننا است آن بھاز خڑک ءِ ہموجاگہ نا ویل آک بھاز گھمبیر ءُ، ننا نیت آ شک کننگپ، بنجائی حکومت انتس کہ کننگ کرے کیک ۔ اوپارے کہ سندھ حکومت کانود ءِ منظور کرینے 18 سال آن کم وئی نا برام آ پابندی ءِ ہندو مسن تا برمتہ نا ہرا واقعہ پیش بس دا بابت وزارت انسانی حق صوبائی حکومت تون پدریسہ رابطہ ٹی ءِ داواقعہ نا پور و چھان بین مریک۔ بنجائی حکومت و وزارت داخلہ دابابت صوبائی حکومت تون پورو کمک کیرہ ۔
