اسلام آباد ۔ 20 جون (اے پی پی) وزارت حوالکاری و شینکاری نا سوشل میڈیا پلیٹ فارم ’’فیکٹ چیکر‘‘ بھارتی میڈیا و سوشل میڈیا اکاؤنٹ آتا کنڈآن پاکستان نا برخلاف تالان کروک آ دروغ و سٹی آ خبرآتا سختی اٹ تردید ءِ کرینے۔ فیکٹ چیکر جمعہ نادے آ راجی رابطہ نا پلیٹ فارم ’’ایکس‘‘ آ تینا اسہ پوسٹ اسے ٹی پیدوار کرینے کہ بھارت تون گنڈوک میڈیا ادارہ و سوشل میڈیا اکاؤنٹ آک رزاک اٹ سجفوک وڑاسے اٹ پاکستان نا برخلاف دروغ و ریفوک خبرتالان کننگ ءُ ہرافتے ٹی پاننگ انگ ءِ کہ اسرائیل۔ ایران جنگ اٹی پاکستان آن فوجی اڈہ غاتا خواست کننگانے و دا دعویٰ کننگ انگ ءِ کہ پاکستان نا فضائی دنگ ءِ انٹیلی جنس یکجا کننگ کن کاریم اٹ اتنگ انگ ءِ۔ فیکٹ چیکر ددا غٹ دعویٰ تے اسُل دروغ، بے بنداو، مضحکہ خیز و لغوپروپیگنڈا گوندانے و پارینے کہ دا غٹ بھارت نا میڈیا و اونا پراکسی تا کنڈآن پاکستان ءِ بدنام کننگ نا ناپاک کوشست ءُ۔
