کوئٹہ۔ 20 جون (اے پی پی) پارلیمانی سیکرٹری سائنس و انفارمیشن ٹیکنالوجی سردار زادہ صمد خان گورگیج کوئٹہ ٹی واقع لہڑی ہاؤس نا دورہ ءِ کرے، ہراڑے او پارلیمانی سیکرٹری ٹرانسپورٹ میر لیاقت علی لہڑی تون اوڑدہی کرے۔ اوڑدہی ٹی ہڑتوم آ راہشون تا نیام اٹ ساڑی آ سیاسی حالیت، صوبہ ٹی برجاشونداری ڈٹ و علاقائی سوگوی نا بابت سرجمی اٹ گپ وتران مس۔ او بلوچستان ، خاص کر کوئٹہ شار اٹی شونداری کاریم تا رفتار و آب آ است جمی نا درشانی ءِ کرے و داعزم انا درشانی ءِ کرے کہ حکومت السی ویل آتا ایسری و صوبہ ءِ شونداری نا کنڈآ دننگ کن سنجیدہ و عملی گام گیج کننگ ءِ۔ ہڑتوم آ راہشونک داہیت آ زور شاغار کہ ساڑی حکومت بلوچستان اٹی بنداوی آسراتی تا فراوانی، ورناتے پوسکن آ ٹیکنالوجی آن شپ کننگ و ٹرانسپورٹ نا نظام ءِ گچین کننگ کن سوگو حکمت عملی آ عمل کننگ ءِ۔ اوپارے کہ السی شریداری و راہشون تا نیام اٹ خڑکی رابطہ غاتیان دیرپاشونداری ممکن ءِ۔
