اسلام آباد۔ 20 جون (اے پی پی) نائب وزیراعظم و وزیرخارجہ سینیٹر محمد اسحاق ڈار پاکستان اسٹیل ملز انا ہند آ کراچی انڈسٹریل پارک انا جوڑ کننگ نا سلا ہ تا جاچ ءِ ہلنگ کن جوڑ کمیٹی نا دیوان نا کماشی ءِ کرے ۔ جمعہ نادے آ نائب وزیراعظم نا آفس آن جاری بیان نا رداٹ دیوان اٹی نیشنل فوڈ سیکورٹی نا وزیر، وزیراعظم نا خصوصی کمکار طارق باجوہ غان بیدس اسپیشل انویسٹمنٹ فیسلی ٹیشن کونسل (ایس آئی ایف سی) ، وزارت صنعت و بورڈ آف انوسٹمنٹ نا سینئر کمامدارآک بشخ ہلکر۔ دیوان اٹی سائٹ ءِ اسہ پوسکن ءُ صنعتی مرکز اسے ٹی بدل کننگ آ سجفنگا۔ نائب وزیراعظم صنعتی پارک آتا جوڑ کننگ آ کاریم ءِ ترند کننگ نا گرج آ زور شاغاو ہندی و درملکی زرکاری ءِ مون آ دننگ کن اودے جہانی آب انا رداٹ جوڑ کننگ نا اہمیت ءِ تالان کرے۔ اوبرآمد آتیا مرکوز صنعتی شونداری ءِ مون آ دننگ و مچ آ ملک اٹی کاروبار کن سازگار چاگڑد ءِ مون آ دننگ نا حکومت نا پکا عزم انا درشانی ءِ کرے۔

متعلقہ مضامینمصنف کی طرف سے مزید