اسلام آباد۔19جون (اے پی پی): مزن وزیر محمد شہباز شریف ءَ نوکیں ٹیکنالوجی ءِ کارمرد کنگ ءِ پنت ءُ شون کتگ کہ ملک ءَ جعلی دوائی آنی ناشریں کاروبار ءَ را سرجمی ءَ ھلاس کنگ بہ بیت، آئی ءَ گوشت کہ مزنیں کوالٹی ءِ طبی وانگ ءُ زانگ ءِ سر ءَ ھرچ وڑیں سمجھوتہ سرجم ءَ نا منّگ بیت، سرجمیں پاکستان ءَ الس ءَ را جوانیں جان سلامتی ءِ آسراتی پھجارینگ حکومت ءِ اولی ترجی اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ پنچ شمبے ءِ روچ ءَ مزن وزیر محمد شہباز شریف ءِ سروکی ءَ وزارت جان سلامتی ءِ کارانی ھوالگ ءَ دیوان برجم دارگ بوت۔ مزن وزیر ءَ جان سلامتی ءِ شوبگ ءَ پائیدار اصلاحات ءِ واستہ گامگیج زورگ ءِ واستہ وفاقی وزیر جان سلامتی سید مصطفیٰ کمال ءِ متحرک سروکی ءَ جان سلامتی ءِ وزارت ءِ کارکردگی ءِ توسیپ کنان ءَ گوشت کہ پاکستان ءِ اُلس ءَ را جوانیں جان سلامتی ءِ آسراتی پجاری حکومت ءِ اولی ترجی اِنت۔ اسلام آباد ءَ جان سلامتی ءِ آسراتی ءِ پھجارینگ ءِ واستہ خیراتی ادارگ ءُ نجی شعبہ ءِ گوما ھمکاری ءِ واستہ کارروائی ءِ منصوبگ جوڑ کنگ بہ بیت۔ مزن وزیر ءَ پاکستانی دوائی کمپنی آناں ورلڈ ہیلتھ آرگنائزیشن ءِ نیمگ ءَ چہ اعتبار زورگ ءِ واستہ دلبڈی دیگ ءِ پنت ءُ شون کت ءُ گوشت کہ ورلڈ ہیلتھ آرگنائزیشن ءِ اعتبار زورگ ءَ چہ پاکستانی دوائی آنی کوالٹی گہتر بیت ءُ اے دوائی آنی برآمد کنگ ءِ موہ گیش بنت۔ مزن وزیر ءَ ملک ءَ جعلی دوائی آنی زھرناکیں کاروبار ءَ را سرجمی ءَ ھلاسی ءِ واستہ نوکیں ٹیکنالوجی ءِ کارمرد کنگ ءِ پنت ءُ شون کت ءُ گوشت کہ مزن تک ءِ طبی وانگ ءُ زانگ ءِ سر ءَ ھچ وڑیں سمجھوتہ منگ نہ بیت۔ مزن وزیر ءَ پاکستانی میڈیکل کالج آنی تہ ءَ کوالٹی ءِ وانگ ءُ زانگ ءَ را دل یکیمی کنگ ءِ واستہ کالج آناں تھرڈ پارٹی ایکریڈیٹیشن ءِ پنت ءُ شون کت ءُ گوشت کہ پاکستان ءَ نرسنگ ءِ شوبگ ءِ سر ءَ سرجمیں چار ءُ تپاسی کنگ بہ بیت، جان سلامتی ءِ شوبگ ءَ اصلاحات آنی سر ءَ عمل کنگ ءِ عمل ءَ ھچ وڑیں سیاسی مداخلت برداشت کنگ نہ بیت۔ گند ءُ نند ءَ مزن وزیر ءَ را جان سلامتی ءِ شوبگ ءِ دیمروئی ءِ تہ ءَ رکاوٹ آنی بابت ءَ سرپد کنگ بیت ءُ ایشانی پائیدار گیواری ءِ ھوالگ ءَ سفارش کنگ بیت۔ بریفنگ ءَ گوشگ بیت کہ آیوکیں ماہ ءِ گڈ ءَ تاں دوائی ءُ طبی آلات آنی رجسٹریشن ءِ سرجمیں بھر سرجمی ءَ ڈیجیٹل کنگ بیت۔ بریفنگ ءَ چہ گوشگ بیت کہ میڈیکل ڈیوائسز ءُ درمان آنی رجسٹریشن ءِ وھد یک سال ءَ چہ کم کنگ ءَ چہ سئے ماہ ءَ کنگ بوھگ ءَ اِنت۔ اسلام آباد ءَ نوک جوڑ بوتگیں بنجاہی جان سلامتی ءِ یونٹ، ریجنل بلڈ سنٹر ءُ ایزولیشن ہسپتال ءَ را سرجمی ءَ ڈیجیٹل کنگ بیت۔ بد نیتی ءِ مردمانی کمک ءَ انفیکشن ءِ نادراہی ءِ علاج ءِ مرکز (آئی ایچ آئی ٹی سی) ءِ کارمرد کنگ ءِ منصوبہ بندی ءِ ھاتر ءَ کار کنگ بوھگ ءَ اِنت۔ گند ءُ نند ءَ وفاقی وزیر برائے منصوبہ بندی ءُ دیمروئی ڈاکٹر احسن اقبال، وفاقی وزیر راجی جان سلامتی سید مصطفیٰ کمال، وفاقی وزیر اقتصادی امور احد خان چیمہ ، جان سلامتی ءِ وزیر مملکت ڈاکٹر مختار احمد بھرتھ ءُ سیادی داروکیں ادارگ آنی مزنیں افسر آں بہر زرتگ۔
