اسلام آباد۔19جون (اے پی پی): وفاقی وزیر دفاع خواجہ محمد آصف ءَ گوشت کہ آرمی چیف فیلڈ مارشل سید ءُ منیر ءِ امریکی صدر ءِ گوما گند ءُ نند سفارتی محاذ ءِ سر ءَ مزنیں سوبمندی انت۔ پنچ شمبے ءِ روچ ءَ پارلیمنٹ گس ءِ ڈن ءَ اھوالکاراں گوں تران کنان ءَ آئی ءَ گوشت کہ پاکستان ءَ جنگ سوبمند بوتگ ایشی ءِ سبب ءَ معیشت گہتر بوتگ ۔ آئی ءَ گوشت کہ اے اولی رند اِنت کہ آرمی چیف ءَ را اے وڑیں ورگ ءِ دعوت دیگ بیتگ۔ خواجہ محمد آصف ءَ گوشت کہ ھما بیان کہ دیم ءَ آیگ ءَ انت ایشاں چہ اے گپ پدر بوھگ ءَ انت کہ پاکستان فوجی، سفارتی ءُ معاشی پڑ ءَ دیم ءَ روگ ءَ انت۔ آئی ءَ گوشت کہ ملک سول ءُ ملٹری سروکی ءِ کمک ءَ چہ دیمروئی کنگ ءَ انت۔ آئی ءَ گوشت کہ ایشی ءَ چہ پیسر امریکی صدر ءِ پاکستانی اُرد ءِ سروک ءِ دعوت ءُ گند ءُ نند ءِ ھچ وڑیں مثال نیست، اے سیادی ءِ 78سال ءِ راجدپتر ءِ تہ ءَ مستریں موڑ اِنت۔ اے دیوان ءِ تہا میان استمانی ءُ دمگی جیڑہانی سرا گپ ءُ تران ءِ راہ ءُ راہبند ءَ چہ گرانقدریں ملک ءِ مزنی ءِ درشانی کنگ بوتگ۔ ھاسیں ارزشت ءِ سر ءَ چمشانک دیگ بوت، جیڈھ آناں گیواری ءِ تہ ءَ پاکستان ءِ کمک ءِ راہ ءِ منگ بوت، پاک ءُ بھارت ءِ نیام ءَ جیڈھ آنی میاں اوستمانی بستار ءِ سر ءَ پدا چمشانک دیگ بوت۔ آئی ءَ گوشت کہ اے گورننس ءِ استیں ہائبرڈ ماڈل ءِ سوبمندی اِنت، معیشت ءِ بحالی، بھارت ءِ شکست، امریکہ ءِ گوما سیادی آنی شرپدار ءُ سکیں سوبمندیں گہتری، اے درستیں انقلابی بدلی مزن وزیر شہباز شریف ءُ فیلڈ مارشل ءُ منیر ءِ کمک ءُ اسلام آباد ءِ نیام ءَ جوانیں ءُ جوانیں سیادی ءَ چہ ممکن بوتگ اَنت۔ وزیر دفاع ءَ گوشت کہ ایران مئے برات اسلامی ملک انت، ایران مشکلیں وھد ءَ گوں دیم پہ دیم انت، اے وھد ءَ ایندگہ برات اسلامی ملک ءُ ھمساھگیں ملک آناں ھم اے وھد ءَ ایرانی برات آنی ھمراھی ءَ اوشتگی انت۔
