اسلام آباد۔19جون (اے پی پی): برطانیہ ءِ ہائی کمشنر جین میریٹ ءَ پنچ شمبے ءِ روچ ءَ پارلیمنٹ گس ءَ اسپیکر نیشنل اسمبلی سردار ایاز صادق ءَ گوں گند ءُ نند کتگ، ایشی ءِ تہ ءَ دو نیمگی سیادی ءُ وت مہ وتی مفاد ءِ ایندگر جیڈھ آنی سر ءَ گپ ءُ تران کنگ بوتگ۔ سپیکر ءَ برطانوی ہائی کمشنر ءَ گوں تران کنان ءَ گوشت کہ پاکستان ءُ برطانیہ ءِ نیام ءَ راجدپتری سیادی آناں گیش مھکم کنگ ءِ واستہ پارلیمانی کمک المی اِنت ءُ پاکستان برطانیہ ءِ گوما دوستی ءِ سیادی آناں گیش مھکم کنگ ءِ واھشت مند اِنت۔ اسپیکر ءَ پارلیمانی سیادی ءَ را وت مہ وتی یکوئی ءِ کلید لیک اِتگ ءُ گوشت کہ پاکستان ءِ پارلیمنٹ گس ءَ را دگنیا ءِ اولی ’’سبزیں پارلیمنٹ‘‘ بوھگ ءِ شرپ اِنت۔ پارلیمنٹ آف پاکستان ءِ ماڑی ءَ را 2015 ءَ شمسی توانائی ءَ را بدل کنگ بوتگ ات۔60ہزار ءَ چہ گیش ورنا آں پارلیمانی انٹرنشپ پروگرام ءَ داخلہ زورگ ءِ واھشت ءِ درشانی کتگ ات۔ آئی ءَ گوشت کہ اے سال ءِ جون ءَ چہ بندات بوتگیں ’سمر انٹرنشپ پروگرام‘ ءَ 200 نودربر آناں انٹرنشپ ءِ موہ پجاری کنگ بوتگ۔ ورنا آناں جمہوری عمل ءِ آماچ کنگ ءِ واستہ پارلیمانی تربیت ناگزیر اِنت۔ شفافیت ءِ دیمروئی ءِ ھاتر ءَ راجی اسمبلی ءِ 1400 ءَ چہ گیش کارندہ آناں ذاتی رنگ ءَ انٹرویو کنگ بوتگ ءُ اے آئی ءُ آئی سی ٹی ءِ تہ ءَ کارندہ آنی تربیت ءَ چہ گورننس ءَ را گہتر کنگ بیت۔ قانون سازی ءِ کوالٹی ءَ را گہتر کنگ ءِ ھاتر ءَ ایف پی ایس سی ءِ وسیلگ ءَ میرٹ ءِ سر ءَ قانون ساز کونسل ءُ تکنیکی کارندہ بھرتی کنگ بوتگ اَنت۔ نجی باسک آنی بل کمیٹی آنی نیمگ ءَ چار ءُ تپاسی کنگ بنت ءُ ایوان ءَ پیش کنگ بنت۔ برطانیہ ءِ ہائی کمشنر جین میریٹ ءَ پاکستان ءُ برطانیہ ءِ سیادی ءِ سرا چار ءُ تپاسی کت۔ آئی ءَ گیش دیمروئی ءِ واستہ وتی عزم ءِ پدا زور دات ءُ گوشت کہ برطانیہ پارلیمانی کمک ءِ وسیلگ ءَ دو نیمگی سیادی آناں دیمروئی دیگ لوٹ ایت۔ برطانیہ ءِ ہائی کمشنر ءَ پارلیمانی اصلاحات ءُ ورنا آنی ھوار بوھگ ءِ گامگیج ساڑاتگ ءُ پاکستان ءِ سبز توان ءِ اصلاحات ءَ را شگر ءُ منت گپتگ۔ آئی ءَ گوشت کہ دوئیں ملک آنی پارلیمنٹ آنی تجروبت آنی مٹ ءُ بدلی کانود سازی ءِ کوالٹی ءَ را گہتر کنگ ءِ واستہ المی انت، برطانیہ وانگ ءُ زانگ، موسمی مٹ ءُ سماجی دیمروئی ءِ شوبگ آنی تہ ءَ پاکستان ءِ گوما کمک ءَ برجاہ دار ایت۔
