اسلام آباد۔19جون (اے پی پی): بنجاھی وزیر برائے منصوبگ بندی، دیمروئی ءُ ھاسیں گامگیج پروفیسر احسن اقبال ءَ گوں انٹرنیشنل ڈیپارٹمنٹ آف دی کمیونسٹ پارٹی آف چائنا ءِ ترجمان ءُ انفارمیشن ءُ کمیونیکیشن بیورو ءِ ڈائریکٹر جنرل ہوژاؤمنگ ءِ سروکی ءَ پنچ شمبے ءِ روچ ءَ ادا مزن تکی چینی ڈل ءَ گوں گند ءُ نند کت۔ ڈل ءِ ھمبراہ ہوشوڈونگ ، فان شی لیان ءُ لی زیشو ھم …
بنجاھی وزیر منصوبہ بندی ءُ دیمروئی پروفیسر احسن اقبال ءَ مزن تکی چینی ڈل ءَ گوں گند ءُ نند، وت مہ وتی کمک آناں گیش دیمروئی دیگ ءِ ھوالگ ءَ تپاک
گیشتریں ھال
اسلام آباد۔19جون (اے پی پی): بنجاھی وزیر برائے منصوبگ بندی، دیمروئی ءُ ھاسیں گامگیج پروفیسر احسن اقبال ءَ گوں انٹرنیشنل ڈیپارٹمنٹ آف دی کمیونسٹ پارٹی آف چائنا ءِ ترجمان ءُ انفارمیشن ءُ کمیونیکیشن بیورو ءِ ڈائریکٹر جنرل ہوژاؤمنگ ءِ سروکی ءَ پنچ شمبے ءِ روچ ءَ ادا مزن تکی چینی ڈل ءَ گوں گند ءُ نند کت۔ ڈل ءِ ھمبراہ ہوشوڈونگ ، فان شی لیان ءُ لی زیشو ھم اتت، اسلام آباد ءَ چینی سفارتخانہ ءِ سفیر کہ ایشانی تہ ءَ ڈپٹی چیف آف مشن شی یو آن چیانگ ءُ اتاشی ژانگ ڈوو ھوار اتنت۔ گند ءُ نند ءَ مول ءُ مراد چین- پاکستان اقتصادی راہداری ءِ دومی بھر ءَ کمک آناں گیش دیمروئی دیگ ءُ میڈیا ، تژن ءُ بچکند ءُ دود ءُ ربیدگ ءِ شوبگ ءَ شریک بوھگ ءِ نوکیں اوست پٹ ءُ پول کنگ بوتگ۔ اے مراگش ءَ سی پیک سینٹر ءَ برجم بوت ءُ ایشی ءِ گولائی جوالائی ءَ بوھوکیں 14 ءَ جوائنٹ کوآرڈینیشن کمیٹی (جے سی سی) دیوان ءِ تیاری آنی چار ءُ تپاسی گرگ بوتگ۔ اے موہ ءِ سر ءَ منصوبگ بندی ءِ وفاقی وزیر احسن اقبال ءَ پاکستان ءِ ورنا آنی تہ ءَ تنقیدی سوچ ءُ نوآبادیاتی ءِ دیمروئی ءِ ارزشت ءِ سر ءَ زور پر دات ءُ اے درگت ءَ آئی ءَ ایم این ایف ءِ دیمروئی ءَ را مثال ءِ رد ءَ پیش کت، ایشی ءَ چہ راجی دیمروئی ءِ مول ءُ مراد آنی رد ءَ ملک ءَ را الس ءِ بھروسہ جوڑ بوتگ۔ آئی ءَ چین ءِ برجاھیں کمک ءِ سر ءَ منت گپت ءُ گوشت کہ مردم آنی نیام ءَ رابطہ ءُ میڈیا ءِ تبادلہ دو نیمگی سیادی ءَ را گیش گہتر کنگ ءِ تہ ءَ المی کرد پیلو کت کنت۔ احسن اقبال ءَ گوشت کہ آیوکیں جے سی سی ءِ دیوان سی پیک ءِ راجدپتر ءِ تہ ءَ یک سنگ میل ءِ رنگ ءَ ثابت بیت ایشی ءِ واستہ کارگس آنی تک ءَ گپ ءُ تران سرجمیں رنگ ءَ برجاہ اِنت۔ دیوان ءَ پاکستان ءُ چین ءِ نیام ءَ دود ءُ ربیدگی جیڈھ آنی سر ءَ ھیال ءُ لیکہ آنی تبادلہ ھم بوتگ، ایشی ءِ تہ ءَ اھوالکار ءُ مواد ءِ جوڑ کنوک آنی واستہ ماہانہ تبادلہ ءِ پروگرام ءُ انگریزی زبان ءَ مواد ءِ ڈبنگ ءُ راج دوستیں آؤٹ پٹ پلیٹ فارم آنی سر ءَ شنگ کنگ بوتگ تانکہ پاکستانی ورنا چینی چاگرد ءُ سی پیک ءِ دیمروئی ءَ را شرتر سرپد بہ بنت۔ دیوان ءَ وفاقی وزیر انفارمیشن ءُ نشریات عطا اللہ ترار ءَ ہم بہر زرتگ ءُ دوئیں ملک آنی نیام ءَ سیادی ءَ را گیش کنگ ءِ واستہ اھوالکار ءُ سوشل میڈیا انفلوئنسرز ءِ واستہ ڈیٹا انگیجمنٹ پروگرام ءِ بندات کنگ ءِ سوج داتگ۔ الس یک دومی ءَ گوں شرتر سرپد بوت کنت ءُ سی پیک ءِ ھوالگ ءَ نادلگوشی آناں ہلاس کنگ بوت کنت۔ اے موہ ءِ سر ءَ پلاننگ کمیشن ءِ باسک برائے ڈویلپمنٹ کمیونیکیشن آمنہ کمال ءَ اے تجویز ءِ حمایت کت ءُ گوشت کہ ڈیٹا اسٹریمنگ پلیٹ فارم ءِ وسیلگ ءَ انگریزی ءُ اردو زبان ءَ ڈبڈ چیپل مواد ءِ شنگ ءُ تالان کنگ ءِ کوشست کنگ بہ بیت تانکہ ورنا ناظرین ایشی ءَ چہ گیش موثر رنگ ءَ سیت چست بہ کن انت۔ شریکیں مردمانی تہ ءَ پلاننگ کمیشن ءِ چیف گورننس جاوید سکندر، پاکستان انسٹی ٹیوٹ آف ڈویلپمنٹ اکنامکس ءِ وائس چانسلر ڈاکٹر ندیم جاوید ءُ سی پیک ءِ دمگی ھمگرنچی ءُ بنیاتی ڈھانچہ ءِ ماہر ڈاکٹر مزممل زازا ھوار اتنت۔ گند ءُ نند پاکستان ءُ چین ءِ نیام ءَ کمک ءَ را گیش مھکم کنگ ءِ جزم ءِ گوما آسر بوت، ایشی ءِ بنیات گپ ءُ تران، جوڑیشت ءِ کمک ءُ مردم آنی نیام ءَ ھوار بوھگ ءِ بنیات ءَ بوتگ۔ اے موہ ءِ سر ءَ وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءَ ھم چین ءِ مزن تک ءِ ڈل ءِ شرپ ءَ نان ءِ ورگ ءِ میزبانی کت۔
