پاکستان ءِ معیشت مھکم اِنت ءُ دیمروئی ءِ سفر اقتصادی ٹیم ءِ محنت ءِ آسر اِنت، مزن وزیر شہباز شریف ءَ گوں ورلڈ بینک ءِ چہ کار ءَ درکپوکیں ملکی ڈائریکٹر ناجی بن حسائن  ءَ گپ ءُ تران

اسلام آباد۔19جون  (اے پی پی): مزن وزیر محمد شہباز شریف ءَ گوشت کہ پاکستان ءِ معیشت مھکم اِنت ءُ دیمروئی ءِ سفر اقتصادی ٹیمب ءِ محنت ءِ آسر اِنت۔ پاکستان ءَ ورلڈ بینک ءِ چہ کار ءَ درکپوکیں کنٹری ڈائریکٹر ناجی بن حسائن  ءِ کرد ءَ را ملکی شریکداری فریم ورک ءِ واستہ پاکستانی واکدار آنی گوما کمک ءُ محنت ءِ واستہ مدام جوانیں گال آنی تہ ءَ یات کنگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی ورلڈ بینک ءِ چہ کار ءَ درکپوکیں کنٹری ڈائریکٹر ناجی بن حسائن  ءَ گوں گپ ءُ تران کنان ءَ کتگ اَنت آئی ءَ پنچ شمبے ءِ روچ ءَ ادا الوداعی کال کتگ۔ مزن وزیر ءَ گوشت کہ پاکستان ءُ ورلڈ بینک ءِ نیام ءَ شریکداری ءَ را گیش مھکم کنگ ءَ آئی ءَ وتی سرجمیں کرد پیلو کتگ، ایشی ءِ واستہ من شگر ءُ منت وار آں۔ 2022 ءِ سیلاب ءِ وھد ءَ آئی ءَ شپ ءُ روچ کار کتگ ءُ آماچیں پاکستانی آنی کمک ءُ بحالی کتگ۔ آئی ءَ گوشت کہ پاکستان ءِ معیشت ءِ برجائی ءُ دیمروئی ءِ سفر ءِ بندات اقتصادی ٹیمب ءِ محنت ءِ آسر انت۔ مزن وزیر ءَ گوشت کہ دُگنیا ءِ کجام ھم کنڈ ءَ شمئے ھزمت کنگ بہ بنت گڈا پاکستان ءُ آئی ءِ مردم شمئے ھزمت ءَ پاکستان ءِ واستہ مدام جوانیں رنگ ءَ یات کن اَنت۔ مزن وزیر ءَ ناجی بن حسائن  ءِ نیکیں واھگ آنی درشان کت ءُ آئی ءِ جان سلامتی ءُ دیمروئی ءِ دعا کت۔ ناجی بن حسائن  ءَ گوشت کہ مزن وزیر شہباز شریف ءِ سروکی ءَ پاکستان ءِ معیشت ءَ انقلابی بدلی، برجائی ءُ دیمروئی ءِ سفر ستا کرز انت۔ مزن وزیر شہباز شریف ءِ سروکی ءَ پاکستان ءِ اقتصادی ٹیم ءَ پاکستان ءَ را ڈیفالٹ ءِ ھوپ ءَ چہ رکینتگ ءُ استحکام ءِ راہ ءَ ایر کتگ۔ مزن وزیر شہباز شریف وت یک محنتی رہشونے کہ آئی ءَ مشکلات ءَ پد ھم پاکستان ءِ معیشت رکینتگ۔ پاکستان ءِ استیں اقتصادی ٹیم ءَ مہارتی ءَ گوں پاکستان ءِ معیشت استحکام ءَ پد دیمروئی ءِ راہ ءَ ایر کتگ۔ گند ءُ نند ءَ پاکستان ءَ ورلڈ بینک ءِ آپریشن ءِ منیجر آپریشنز   گیلئیس ڈراگیلس ، نائب مزن وزیر ءُ درئی  کارانی وزیر محمد اسحاق ڈار، وفاقی وزیر احد خان چیمہ ، محمد اورنگزیب ءُ سیادی داروکیں مزنیں کارندہ آں بہر زرتگ۔