اسلام آباد۔19جون (اے پی پی): مزن وزیر محمد شہباز شریف ءَ گوشت کہ برآمد ءِ بنیات ءَ اقتصادی دیمروئی ءِ واستہ ملکی صنعت آنی دیمروئی المی انت۔ ٹیرف راشنلائزیشن پالیشی ءِ وسیلگ ءَ ملک ءَ سرمایہ کاری ءَ را دیمروئی دیگ بیت آئی ءَ اے ھیالانی درشانی پنچ شمبے ءِ روچ ءَ ادا ملکی صنعت آنی ھوالگ ءَ دیوان ءِ سروکی ءَ کنان ءَ کت۔ گند ءُ نند ءَ وفاقی وزیر برائے اقتصادی امور احد خان چیما، اسپیشل اسسٹنٹ ہارون اختر ءُ ہمگرنچیں ادارگ آنی مزنیں افسر آں شریک کت۔ مزن وزیر ءَ گوشت کہ ملکی برآمدات ءِ تہ ءَ صنعت ءِ مرکزی کرد انت۔ برآمدات ءِ بنیاد ءَ اقتصادی دیمروئی ءِ ھاتر ءَ ملکی صنعت آنی دیمروئی المی اِنت۔ ملکی صنعت آناں جھان ءِ رہبندانی رد ءَ مردمی توان ءُ نوکیں ٹیکنالوجی ءَ گوں لیس کنگ مئے اولی ترجی اِنت۔ مزن وزیر ءَ گوشت کہ ٹیرف راشنلائزیشن پالیشی ءِ وسیلگ ءَ ملک ءَ سرمایہ کاری ءَ را دیمروئی دیگ بیت۔ بے یقینی صنعتی پالیسی صنعتانی دیمروئی ءِ راہ ءَ رکاوٹ بوتگ انت۔ ما یک موثریں پالیسی ءِ سبب ءَ صنعتی دیمروئی ءَ را نوکیں بالاد ءَ سر کنیں۔ نوکیں اقتصادی پالیسی ملکی صنعت آنی دیمروئی ءَ را ھیال ءَ دارگ ءَ جوڑ کنگ بوتگ اَنت۔ مزن وزیر ءَ گوشت کہ صنعتی پیداوار ءِ تہ ءَ گیشی ءُ صنعت آناں دیم ءَ اتکگیں جیڈھ آناں پائیداریں گیواری ءِ واستہ زوتاں چہ زوت صنعتی پالیشی سرجم کنگ بہ بیت۔ گند ءُ نند ءَ ملکی صنعت آنی دیمروئی ءِ ھوالگ ءَ مزن وزیر ءَ را سفارش پیش کنگ بوت۔ مزن وزیر ءَ را گوشگ بوت کہ یک جوانیں صنعتی پالیشی ءِ وسیلگ ءَ ملک ءِ مینوفیکچرنگ شوبگ ءَ را برجم دارگ بیت۔ مزن وزیر ءَ ہدایت کت کہ صنعتی پالیشی ءَ را درستیں سیادی داروکیں مردم آنی گوما شور ءُ سلاھ ءَ گوں گڈی رنگ ءَ جوڑ کنگ بہ بیت۔
