اسلام آباد۔19جون (اے پی پی): زن وزیر محمد شہباز شریف ءَ گوشت کہ جناح میڈیکل کمپلیکس سرجمیں دمگ ءِ واستہ جوانیں میڈیکل آسراتی ءُ نوکیں میڈیکل ریسرچ سامان آنی گوما لیسیں نادراھجاہ ءِ بیت، ءُ منصوبگ ءِ جوڑیشت ءِ درستیں پڑ آنی تہ ءَ 100درسد ساپ ءُ سلہ ائی ءَ را دل یکیمی کنگ بہ بیت۔ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی پنچ شمبے ءِ روچ ءَ جناح میڈیکل کمپلیکس ءُ ریسرچ سینٹر ءِ ھوالگ ءَ جائزہ دیوان ءِ سروکی ءَ کنان ءَ کت۔ گند ءُ نند ءَ جناح میڈیکل کمپلیکس ءُ ریسرچ سنٹر ءِ جوڑیشت ءِ ھوالگ ءَ بریفنگ دیگ بوت۔ مزن وزیر ءَ را گوشگ بوت کہ جناح میڈیکل کمپلیکس ءِ ھوالگ ءَ چین، ترکی، جنوبی کوریا ءُ سنگاپور ءَ روڈ شو ءِ برجم دارگ بوت۔ اے روڈ شوز ءِ تہا دنیا ءِ نامداریں کمپنیاں جناح میڈیکل کمپلیکس ءِ تہا سک باز دلچسپی ءِ درشانی کتگ۔ جناح میڈیکل کمپلیکس ءِ جوڑیشت ءِ ھوالگ ءَ دو کانفرنس ھم برجم دارگ بوت کہ ایشی ءِ تہ ءَ 10 ملک آنی 33 کمپنی آناں بھر زرت۔ 600 کنال زمین ءِ ھاتر ءَ جوڑیشت ءِ ھاتر ءَ گرگ ءِ عمل ءِ سرا زور دیگ بوھگ ءَ اِنت۔ کلانہ / مشیر آنی پوسٹنگ ءِ ھاتر ءَ میاں اوستمانی تک ءَ اشتہار شنگ کنگ بوتگ۔ گند ءُ نند ءَ وفاقی وزیر ءِ منصوبہ بندی احسن اقبال، وفاقی وزیر ءِ قانون ءُ انصاف اعظم نذیر تارڑ، وفاقی وزیر اقتصادی امور احد خان چیمہ ، وفاقی وزیر ءِ راجی جان سلامتی سید مصطفی کمال، چیئرمین پاکستان گردہ ءُ جگر ءِ ادارگ ءِ چیئرمین پروفیسر ڈاکٹر سعید اختر ءُ کلانہ ایں کارندہ آں بھر زوری کتگ۔
