اسلام آباد۔19جون (اے پی پی): پاک پیپلز پارٹی ءِ سینیٹ ءِ پارلیمانی رہشون سینیٹر شیری رحمان ءَ صدر آصف علی زرداری ءَ گوں ایوان ءِ صدر ءَ گند ءُ نند کت۔ پنچ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے موہ ءِ سر ءَ گشتانک دیان ءَ اتحادی مشترکہ کمیٹی ءِ فعال سفارتی کوشست آناں ساڑات ءُ جھان ءِ تک ءَ پاکستان ءِ پوزیشن ءَ را جوانیں رنگ ءَ پیش کنگ ءِ واستہ ٹیم ءِ کوشست آناں توسیپ کت۔ گند ءُ نند ءَ جاری بجٹ سیشن ءِ ھوالگ ءَ جیڈھ آنی سر ءَ ھیال ریچی کنگ بوت۔ سینیٹر شیری رحمان ءَ سینیٹ ءَ بجٹ ءِ بحث ءُ قانون سازی ءِ عمل ءَ پیپلز پارٹی ءِ موثر کرد ءِ بابت ءَ صدر ءَ را سرپد کت۔ آئی ءَ صدر ءَ را گوستگیں بھارت ءُ پاکستان ءِ جیڈھ ءِ وھد ءَ اتحاد ءِ مشترکہ کمیٹی ءِ نیمگ ءَ کتگیں سفارتی کوشست آنی بابت ءَ ھم سرپد کت۔ سینیٹر شیری رحمان ءَ صدر ءِ مملکت ءَ را گوشت کہ کمیٹی ءَ پاکستان ءِ امن دوست ءُ ذمہ واریں اسٹریٹجک پوزیشن ءَ را میاں اوستمانی براتی ءِ دیم ءَ پیش کتگ۔ آئی ءَ گوشت کہ کمیٹی ءَ میاں اوستمانی تک ءَ پاکستان ءِ پوزیشن ءِ واستہ کمک ءِ جم کنگ ءَ ھاسیں کرد پیلو کتگ۔ سینیٹر شیری رحمان ءَ گوشت کہ کمیٹی ءُ ایشی ءِ سروک بلاول بھٹو زرداری ءَ سرجمیں بھروسہ ءُ کمک ءِ پد ءَ صدر ءُ مزن وزیر ءِ شگر ءُ منت گپت۔
