اسلام آباد۔19جون (اے پی پی):وزیر دفاع خواجہ محمد آصف ءَ گوشت کہ فیلڈ مارشل سید عاصم منیر ءُ امریکی صدر ڈونلڈ ٹرمپ ءِ گند ءُ نند پاک امریکہ ءِ سیادی آنی تہ ءَ یک سنگ میل ءِ بوتگ۔ ایشی ءَ یک رندے پدا پاک ءُ بھارت ءِ نیام ءَ کش ءُ چیل ءِ میاں اوستمانی جہت ءَ را پدر کتگ۔ پنچ شمبے ءِ روچ ءَ سوشل میڈیا ءِ سر ءَ وتی پوسٹ ءِ تہ ءَ آئی ءَ گوشت کہ ایشی ءَ چہ پیسر امریکی صدر ءِ دعوت ءُ پاکستانی اُرد ءِ سروک ءَ گوں گند ءُ نند ءِ ھچ وڑیں مثال نیست، اے پاک امریکہ ءِ سیادی ءِ 78سالی راجدپتر ءِ مستریں موڑ اِنت۔ اے دیوان ءِ تہا میاں اوستمانی ءُ دمگی جیڈھانی سرا گپ ءُ تران ءِ راہ ءُ راہبند ءَ مھروانیں وطن ءِ ارزشت ءِ سرا چمشانک داتگ۔ ایوان ءِ نیمگ ءَ جیڈھ آنی گیواری ءَ پاکستان ءِ ارزشت ءَ را منگ بوت۔ پاک ہندوستان ءِ کش ءُ چیل ءِ میاں اوستمانی جہت ءَ یک رندے پدا پدر کنگ بوتگ۔ وزیر دفاع ءَ گوشت کہ معیشت ءِ بحالی، بھارت ءِ شکست، امریکہ ءِ گوما سیادی آنی شاندار ءُ سکیں سوبمندیں گہتری، اے درستیں آشوبی بدلی مزن وزیر شہباز شریف ءُ فیلڈ مارشل عاصم منیر ءِ کمک ءُ اسلام آباد ءُ راولپنڈی ءِ نیام ءَ جوانیں سیادی ءَ چہ ممکن بوت کن اَنت۔ اللہ تعالیٰ مارا درستاں ذاتی ءُ گروپانی سیتاں چہ برز راج ءِ ھزمت کنگ ءِ توان ءُ وس ءُ واک بہ دنت۔
