کراچی۔19جون (اے پی پی): ڈیجیٹل میڈیا ءِ ھوالگ ءَ مزن وزیر ءِ ھاسیں کمکار فہاد ہارون ءَ اطالوی جہاز آئی ٹی ایس انتونیو مارسیگلیا ءِ سر ءَ برجم داشتگیں استقبالیہ ءِ تہ ءَ بھر زوری کتگ۔ آئی ءَ را میزبان کمانڈنگ آفیسر کیپٹن البرٹو بارٹولومیئو ءَ وش آتک کت ، اے موہ ءِ سر ءَ پاکستان ءَ اٹلی ءِ سفیر میر لینا آرمیلن ءُ قونصل فیبریزیو بیئیلی ھم ساڑی اَت۔ اے جہاز 20 جون ءَ تاں کراچی بندرگاہ ءَ لنگر بند بیت، ایشی ءِ مول ءُ مراد ایش انت کہ جہاز ءِ دیمروئی ءُ میاں اوستمانی کمک ءَ را دیم ءَ برگ بہ بیت۔ مراگش ءَ مزنیں فوجی کارندہ، سفارتی کارندہ ءُ نامداریں کاروباری مردماں بہر زرتگ۔ آئی ٹی ایس انتونیو مارسیگلیا ءِ جہاز ءِ سر ءَ برجم داشتگیں اے شرپ مندیں مراگش ءَ پاکستان ءُ اٹلی ءِ نیام ءَ کوھنیں دوستی، دمگی ایمنی ، برجائی ءُ کمک ءِ درشان بوتگ۔
