مزن وزیر محمد شہباز شریف ءِ سروکی ءَ وفاقی کابینہ ءِ دیوان، آیوکیں شش سال آنی تہ ءَ 1275 ارب کلدار ءِ سرکلر ڈیبٹ ءِ ھلاسی ءِ واستہ مالیاتی اسکیم ءِ منظوری، پاکستان ءِ دفاع ءِ واستہ فیلڈ مارشل سید عاصم منیر ءِ ازمت آناں یات

اسلام آباد۔18 جون(اے پی پی): وفاقی کابینہ ءَ پاکستان ءِ مزنیں مالیاتی منصوبگ ءِ منظوری داتگ کہ آیوکیں شش سال آنی تہ ءَ 1275ارب کلدار ءِ سرکلر قرضہ ءِ ھلاسی ءَ چہ راجی بجٹ ءِ سر ءَ نوکیں مالیاتی دباؤ ءِ ھست نہ اِنت، کمال الدین ٹیپو ءَ را کمیشن برائے پروفیشنلسٹ پاور ءُ نیشنل میڈیکنا ءِ چیئرپرسن ءِ بستار ءَ گچین کتگ۔ پارکس مینجمنٹ کمپنی لمیٹڈ ءَ را روش پاور پلانٹ ءِ گرگ ءِ رد ءَ جتا جتائیں سروسز ءِ گرگ ءِ واستہ پاکستان پبلک پروکیورمنٹ ریگولیٹری اتھارٹی آرڈیننس 2002 ءِ سیکشن 21 ءِ رد ءَ کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ مزن وزیر محمد شہباز شریف ءِ سروکی ءَ وفاقی کابینہ ءِ دیوان مزن وزیر گس ءَ برجم دارگ بوت۔ گند ءُ نند ءِ بھر زوروکاں گوں تران کنان ءَ مزن وزیر ءَ آرمی چیف فیلڈ مارشل سید عاصم منیر ءِ امریکا ءِ تر ءُ تاب ءِ وھد ءَ امریکہ ءَ پاکستانی کمیونٹی ءَ گوں گشتانک ساڑات۔ مزن وزیر ءَ امریکہ ءَ پاکستانی کمیونٹی ءَ گوں گشتانک ءِ تہ ءَ پاکستان ءِ سیمسر ءُُ نپ آنی رکھینگ ءِ واستہ فیلڈ مارشل ءَ را مھکمیں عزم ءِ سر ءَ شگر ءُُ منت گپت۔ وفاقی کابینہ ءَ آیوکیں مالی سال ءِ واستہ الس دوستیں وفاقی بجٹ ءِ واستہ وفاقی وزیر خزانہ محمد اورنگزیب ءُُ آئی ءِ ٹیم ءَ را خراج تحسین پیش کت۔ مزن وزیر ءَ اے سال ءَ حج بیت اللہ ءِ موہ ءَ جوانیں بندوبست ءِ پد ءَ مذہبی امور ءِ وفاقی وزیر سردار یوسف ءَ را شگر ءُ منت دات۔ وفاقی کابینہ ءَ پاکستان ءِ مزنیں مالیاتی اسکیم ءِ منظوری ءَ چہ بجلی ءِ شوبگ ءَ مالیاتی استحکام ءِ بحالی ءِ نیمگ ءَ راجدپتری گامگیج چست کتگ۔ اے اسکیم ملک ءِ توانائی ءِ شوبگ ءِ اصلاحات ءِ تہ ءَ سرکلر ڈیبٹ ءِ ھلاسی ءِ تہ ءَ مزنیں گامگیج اِنت۔ اے اسکیم ءِ مول ءُ مراد راجی بجٹ ءِ سر ءَ نوکیں مالیاتی زور ءِ ایر کنگ ءَ ابید آیوکیں شش سال آنی تہ ءَ 1275ارب کلدار ءِ سرکلر ڈیبٹ ءَ را ھلاس کنگ اِنت۔ اے اسکیم ءِ چیر دستی ءَ پاور ہولڈنگ کمپنی ءَ را 683ارب کلدار ءِ کساس ءَ ری فنانس کنگ بیت ءُُ آزاد بجلی پیداوار کنوکیں کمپنی آنی بقایاجات ھم دیگ بنت۔ اے پیسلہ حکومت پاکستان ءِ پائیدار ادارگی اصلاحات ءِ سر ءَ عمل کنگ، مالیاتی بوجھ ءَ را کم کنگ ءُُ توان ءِ شوبگ ءَ سرمایہ کار آنی اعتماد ءَ را بحال کنگ ءِ عزم ءِ درشان اِنت۔ اے پیسلہ پاکستان ءِ معیشت ءُُ بجلی ءِ شوبگ ءِ واستہ مزنیں سوبمندی یے، ایشی ءَ چہ ملک ءَ را یک مھکمیں آیوکیں وھد ءِ نیمگ ءَ رھادگ کنگ ءَ کمک رسیت۔ وفاقی کابینہ ءَ وزارت انسانی حقانی سفارش ءِ رد ءَ کمال الدین ٹیپو ءَ را اھوالکار ءُ رسانکدر ءِ پیشہ ور آنی رکھینگ ءِ کمیشن ءِ چیئرپرسن ءِ بستار ءَ گچین کنگ ءِ منظوری داتگ۔ وفاقی کابینہ ءَ روش پاور پلانٹ ءِ گرگ ءِ رد ءَ نیشنل پاور پارکس مینجمنٹ کمپنی لمیٹڈ ءَ را پاکستان پبلک پروکیورمنٹ ریگولیٹری اتھارٹی آرڈیننس 2002 ءِ سیکشن 21ءِ رد ءَ استثنیٰ دیگ ءِ منظوری داتگ۔ وفاقی کابینہ ءَ 21مئی 2025ءَ برجم داشتگیں کابینہ کمیٹی ءِ قانون ساز کیس آنی دیوان ءَ کتگیں پیسلہ آناں منظور کتگ۔