اسلام آباد۔18جون (اے پی پی): راجی اسمبلی ءِ اسپیکر سردار ایاز صادق ءَ چار شمبے ءِ روچ ءَ پارلیمنٹ گس ءَ ہنگری ءِ درکپوکیں سفیر بیلا فازیکاس ءَ گوں گند ءُ نند کت۔ گند ءُ نند ءِ ساھت ءَ پاک ءُ ہنگری ءِ وت مہ وتی سیادی ءُ وت مہ وتی دلپدردی ءِ اے دگہ معاملہ آنی سر ءَ ھیال ریچی کنگ بیت۔ اے موہ ءِ سر ءَ تران کنان ءَ اسپیکر ءَ ہنگری ءِ سفیر بیلا فازیکاس ءِ ازمت ءُ جوانیں کرد ءَ را شگر ءُ منت درشان کت ءُ پاکستان ءُ ہنگری ءِ سیادی ءَ را دیمروئی دیگ ءُ پارلیمانی سیادی ءَ را مھکم کنگ ءِ سر ءَ زور پر دات۔ اسپیکر ءَ گوشت کہ پاکستان ءُ ہنگری ءِ نیام ءَ جتا جتائیں شوبگ آنی تہ ءَ کمک ءِ سک باز امکانات است انت، ہنگری ءَ پاکستان ءِ پارلیمانی ڈل ءِ گوستگیں تر ءُ تاب ءَ چہ جوانیں نتیجگ دیم ءَ کیت۔ دوئیں بامرداں پاکستان ءُ ہنگری ءِ پارلیمانی دوستی گروپ ءَ را گیش سرگرم جوڑ کنگ ءِ ضلورت ءِ سر ءَ زور پر دات۔ اسپور ءَ گوشت کہ دمگ ءَ امن ءِ واستہ بھارت ءِ گوما صبر ءُ برداشت ءِ پالیسی ءِ سرا عمل کنگ بہ بیت، پرچا کہ جنگ ءَ چہ گیشتر آماچیں مردم عام شہری انت۔ ہنگری ءِ سفیر ءَ گوشت کہ پاکستان ءِ پارلیمانی ڈل ءِ تر ءُ تاب آئی ءِ سفارتی ازمت ءِ یک یاتگاریں ساھت ءِ بوتگ، ءُ آیوکیں وھد ءَ پاکستان ءُ ہنگری ءِ سیادی گیش مھکم بنت۔
