اسلام آباد۔18جون (اے پی پی): نائب مزن وزیر ءُ درئی کارانی وزیر اسحاق دار ءَ ایران ءِ سر ءَ اسرائیل ءِ برجاھیں فوجی زوراکی ءِ ھلاپ ءَ ءُ ایران ءِ گوما یکوئی ءِ درشان کنگ ءِ ھاترا مسلمانیں ملک آنی نیمگ ءَ یکجائی قرارداد ءِ کاپی پیش کتگ۔ آئی ءَ اے کاپی چار شمبے ءِ روچ ءَ ایوان بالا ءِ دیوان ءِ ساھت ءَ ایوان ءَ پیش کتگ۔ تیزی ءَ گوں بدل بوھوکیں دمگی جاور ءُ میان اُستمانی تہ ءَ بے دروریں کش ءُ چیل ءِ گیش بوھگ ءِ رد ءَ ، ھاسیں رنگ ءَ اسرائیل ءِ ایران ءِ سر ءَ برجاھیں فوجی زوراکی ءِ رد ءَ الجزائر ، بحرین ، برونائی دارالسلام ، چاڈ ، کوموروس ، جیبوتی ، مصر ، عراق ، پاکستان ، عرب قطریا ، کوعودی سعودی ءِ دری کارانی وزیراں دیم ءَ آؤرتگ ۔ سومالیہ، سوڈان، ترکی، عمان ءُ متحدہ عرب امارات ءَ یک مشترکہ بیانے ءِ تہا 13 جون 2025 ءَ چہ اسلامی جمہوریہ ایران ءِ سرا اسرائیل ءِ اُرش ءُ اے وڑیں ہرچ کارروائی کہ میان استمانی کانود ءُ اقوام متحدہ ءِ منشور ءِ مول ءُ مراد ءُ رہبندانی خلاف ورزی ءِ سبب ءَ انت آہانی سرا سک باز مذمت کتگ۔ دری کارانی وزیراں ریاست آنی حاکمیت ءُ سرزمین ءِ یکوئی ءِ احترام ءِ ضلورت ءِ سر ءَ زور پر دات ءُ ھمے رنگ ءَ جوانیں ھمساھگی ءِ اصول آنی سر ءَ عمل کنگ25 ءُ جیڑھ آنی پرامن گیواری ءِ ضلورت ءِ سر ءَ زور پر دات۔ آئی ءَ گوشت کہ ایران ءِ سر ءَ اسرائیل ءِ زوراکی ءَ را دارگ ءِ ضلورت انت کہ میاں اوستمانی تک ءَ گیش بوھوکیں تناؤ ءِ وھد ءَ دیم ءَ اتکگ۔ انوگیں خطرناکیں دیمروئی ءِ سر ءَ سک باز جیڈھ ءِ درشان کنان ءَ آئی ءَ گوشت کہ ایشی ءِ سرجمیں دمگ ءِ امن ءُ ایمنی ءِ واستہ سنگینیں آسر آنی سبب جوڑ بوھگ ءِ امکان اِنت۔ آئی ءَ گوشت کہ سرجمیں جنگ بندی ءُ امن ءِ بحالی ءِ واستہ کار کنگ ءِ ضلورت انت۔ دری کارانی وزیراں گوشت کہ میاں اوستمانی دمگ ءِ جوڑ کنگ ءِ زوتیں ضلورت اِنت کہ آ ایٹمی ءُ دگہ مزنیں تباہی ءِ سلاہ آنی تہ ءَ چہ پاک بہ بیت، اے دمگ ءِ سرجمیں ملک آنی سر ءَ ھچ وڑیں استثنا ءِ رد ءَ کارمرد کنگ بیت، ایشی ءِ تہ ءَ میاں اوستمانی تک ءِ سرجمیں ملک آناں Nuclear Weap ءِ معاہدہ ءِ تہ ءَ ھوار بوھگ ءِ زوتیں ضلورت اِنت۔ آئی ءَ گوشت کہ میاں اوستمانی ایٹمی توانائی ءِ ادارگ ءُ اقوام متحدہ ءِ سلامتی کونسل ءِ قرارداد آنی رد ءَ ایٹمی آسراتی آناں نشانگ جوڑ کنگ ءَ چہ دست کش بوھگ سک باز المی اِنت، پرچا کہ اے وڑیں کارروائی میاں اوستمانی کانود ءُ میاں اوستمانی انسانی کانود ءِ ھلاپ ورزی اِنت، ایشی ءِ تہ ءَ 1949ءِ جنیوا کنونشن ھوار اَنت۔ ایران ءِ جوہری پروگرام ءِ سرا دائمی معاہدے ءِ رسگ ءِ تہنا زندگ داروکیں وسیلہ انت۔ آئی ءَ گوشت کہ میاں اوستمانی آبی راہ آنی تہ ءَ جہاز رانی ءِ آجوئی ءِ رکھینگ ءُ دریائی ایمنی ءَ را ھراب کنگ ءَ چہ بچگ المی اِنت، میاں اوستمانی کانود ءِ ھمگرنچیں رھبند آنی رد ءَ۔ مشترکہ بیان ءِ رد ءَ سفارتکاری، گپ ءُ تران ءُ نیکیں ھمساھگی ءِ رھبندانی سر ءَ عمل کنگ ، میان اُستمانی کانود ءُ اقوام متحدہ ءِ منشور ءِ رد ءَ ، دمگ ءِ تہ ءَ بحرانانی گیش ءُ گیوار ءِ تہنا زندگ داروکیں راہ اِنت ءُ اے فوجی وسیلہ ءِ وسیلگ ءَ جاری بحران ءِ گیش ءُ گیوار ءِ ھاترا دائمی گیواری آرگ نہ بیت۔
