اسلام آباد۔18جون (اے پی پی): نائب مزن وزیر ءُ درئی کارانی وزیر محمد اسحاق ڈار ءَ گوشت کہ سروسز ءِ سر ءَ ڈیجیٹل سیلز ٹیکس صوبگ آنی ڈومین بیت، سول پینل آنی سر ءَ ٹیکس ءِ شرح ءَ را 18درسد ءَ چہ کم کنگ ءِ سر ءَ تپاک کنگ بوتگ۔ چار شمبے ءِ روچ ءَ راجی اسمبلی ءَ تران کنان ءَ نائب مزن وزیر ءُ دری کارانی وزیر اسحاق ڈار ءَ گوشت کہ اتحادی گل ءُ ایندگر سیادی داروکیں شریک آنی گوما شور ءُ سلاھ ءَ پد لھتیں جیڈھ آنی گیواری ءِ سر ءَ تپاک کنگ بوتگ ءُ اے درگت ءَ لھتیں چیز چار ءُ تپاسی کنگ بوتگ ۔ آئی ءَ گوشت کہ بجٹ ءَ ڈیجیٹل ٹیکس ءِ ھوالگ ءَ تحفظات ءِ درشانی کنگ بوتگ کہ سروسز ءِ سر ءَ ڈیجیٹل ٹیکس صوبگ آنی ڈومین اِنت، اے درگت ءَ باندا سرجمیں اسٹیک ہولڈر ءُ ایف بی آر ءِ گوما سرجمیں شور ءُ سلاھ کنگ بوتگ، سروسز ءِ سر ءَ ڈیجیٹل سیلز ٹیکس صوبگ آنی ڈومین بیت ءُ اے گپ ءِ سر ءَ وزیر خزانہ ءِ بجٹ ءِ بنداتی گشتانک ءِ تہ ءَ پدر کنگ بیت۔ نائب مزن وزیر ءَ گوشت کہ دومی مزنیں گپ ءُ تران سولر پینل آنی سر ءَ 18درسد سیلز ٹیکس ءِ تجویز ءِ سر ءَ بوتگ، سولر ٹیکس ءِ تجویز ءِ سر ءَ چار ءُ تپاسی کنگ بوتگ، سولرائزیشن ءِ تہ ءَ 54درسد انورٹر ءُ ایندگر چیز پیسر ءَ چہ ریگولر ٹیکس سسٹم ءِ تہ ءَ ھوار اَنت، 18درسد سیلز ٹیکس ءِ تجویز ءِ سیادی ءَ چہ پد ھواریں تجویز آنی تہ ءَ ھوار اِنت،4 شمسی پینل ءِ سرا ٹیکس ءِ شرح ءَ 18% ءَ چہ 10% ءَ کم کنگ بہ بیت۔ آئی ءَ گوشت کہ ٹیکس ءِ تجویز آمدنی ءِ گامگیج اَنت، وھدے ما یک شوبگ ءِ تہ ءَ آمدنی ءِ گامگیج آناں محدود کن ایں گڈا ایشی ءَ را ھم گیش ءُ گیوار کنگ لوٹ ایت، وھدے کہ کابینہ ءَ کارمند آنی پگار آنی تہ ءَ شش درسد گیشی ءَ را ناکافی لیک اِتگ ءُ ایشی ءَ را 10درسد ءَ گیش کنگ ءِ منظوری داتگ گڈا گیشیں ھرچ ءُ درچ یا ھرچ ءُ درچ ھم منظم کنگ لوٹ ایت۔ آئی ءَ گوشت کہ مارا یکجائی ءَ دیم ءَ روگی اِنت، مارا مفاہمت ءِ سر ءَ باور اِنت۔ آئی ءَ گوشت کہ سیمی ھاسیں جیڈھ پی ایس ڈی پی ءِ تہ ءَ سندھ ءِ ھوالگ ءَ بوتگ، ما یکوئی پیسلہ کتگ کہ پی ایس ڈی پی ءِ تہ ءَ ایچ ای سی ءِ حوالہ ءَ سندھ ءِ یونیورسٹی آنی واستہ فنڈز ءِ کساس 4.7ارب کلدار ءِ کچ ءَ برجم دارگ بیت۔ آئی ءَ گوشت کہ پی ڈبلیو ڈی ءِ ھوالگ ءَ راجی اسمبلی ءِ باسک آنی موقف جائز انت ۔ ما مزن وزیر ءَ گوں ھم شور ءُ سلاھ کتگ ءُ اے گپ ءِ سر ءَ تپاک کتگ کہ اے درگت ءَ تحفظات جائز اَنت۔ پی ڈبلیو ڈی ءِ بند بوھگ ءَ پد درستیں صوبہ آنی تہ ءَ منصوبگ پی آئی ڈی سی ایل ءَ را دیم دیگ بنت۔ سندھ ءَ ہما منصوبہ کہ جاری انت آ دیما روان بنت۔ آئی ءَ گوشت کہ آ جائزیں جیڈھ ءُ تحفظات ءِ گیواری ءِ واستہ تیار اَنت۔
