اسلام آباد۔18جون (اے پی پی): وفاقی وزیر کانود ءُ انصاف واجہ اعظم نذیر تارڑ ءَ چار شمبے ءِ روچ ءَ چیئرمین لیگل ایجوکیشن کمیشن واجہ قلب حسن شاہ ءُ ڈائریکٹر لیگل ایجوکیشن آف پاکستان ءِ لندن ءِ ڈین اسامہ ملک ءِ گوما مزن تک ءِ دیوان ءِ سروکی کت۔ ایم میک کالز، ھم ھوار ات۔ دیوان ءِ ایجنڈا ءِ تہ ءَ قانونی وانگ ءُ زانگ ءِ تہ ءَ ھاسیں رنگ ءَ مدنی قانون ءِ پروگرام پیش کنوکیں ادارگ آنی تہ ءَ سٹینڈرڈ آناں گیش کنگ ءُ ایشی ءِ سر ءَ عمل کنگ ءِ سر ءَ دلگوشی دیگ بوتگ۔ میک کلور ءَ اے گپ ءِ سر ءَ زور پر دات کہ لندن یونیورسٹی پاکستان بار کونسل ءُ ڈائریکٹوریٹ آف لیگل ایجوکیشن (ڈی ایل ای) ءِ نیمگ ءَ ایر کنگ بوتگیں درستیں ریگولیٹری سٹینڈرڈ آنی سر ءَ سرجمی ءَ عمل کنت۔ بلے چیئرمین سد قلب حسن ءَ یک رندے پدا گوشت کہ پاکستان ءَ ھچ وڑیں میاں اوستمانی یونیورسٹی بار لا ءِ پروگرام پاکستان بار کونسل ءِ پیسریگیں منظوری ءَ ابید پیش نہ کنت۔ آئی ءَ ھما ادارگ آنی سر ءَ کھدائی کت کہ آ امتحان آناں اسائنمنٹ ءِ بدل ءَ کن اَنت ءُ اے گپ ءِ سر ءَ زور پر دات کہ اے وڑیں کار ادارگ ءِ یکوئی ءِ ھلاپ ورزی کن اَنت ءُ ایشی ءَ را برجاہ دارگ ءِ اجازت نہ دیگ بیت۔ بیرسٹر اسامہ ملک ءَ اے وڑیں اسائنمنٹ ءِ بنیاد ءَ قانون ءِ ڈگری پروگرام آنی بند کنگ ءِ ضلورت ءِ سر ءَ گیش زور پر دات۔ وفاقی کانود ءِ وزیر ءَ پاکستان ءَ قانونی وانگ ءُ زانگ ءِ مقدسیت ءِ برجائی ءِ حکومت ءِ جزم ءِ یک رندے پدر کت۔ آئی ءَ گوشت کہ ما ھما کار آنی اجازت ءَ نہ دئیں کہ آ مغرب ءِ ساکھ ءَ را تاوان بہ دنت، ایشی ءِ تہ ءَ ڈگری آنی بہا کنگ، اوپن بک فارمیٹ ءُ اسائنمنٹ ءِ سر ءَ بنیات ءِ نظام ھوار اَنت۔ گوستگیں دو سالانی تہ ءَ قانود ءِ وانگ ءُ زانگ ءِ کمیشن ءُ قانود ءِ وانگ ءُ زانگ ءِ کارگس ءَ 50 ءِ کساس ءَ ادارگ بند کتگ کہ آ چہ وتی تپاکی ءِ سر ءَ عمل کنگ ءَ ناکام بوتگ اَنت۔ نوکیں ضوابط ءِ رد ءَ پاکستان بار کونسل ءِ باقاعدہ منظوری ءَ ابید ہچ کالج ءَ را بار کونسل آف پاکستان ءَ گوں ہمگرنچ بوہگ ءِ اجازت نہ بیت۔ وزیر ءِ کانود ءَ درستیں سٹیک ہولڈر آناں زور پر دات کہ آ آیوکیں وانگ ءُ زانگ ءِ سیشن ءِ بندات ءَ پیسر ترندیں گامگیج بہ زور اَنت۔
