اسلام آباد۔18جون (اے پی پی): مزن وزیر محمد شہباز شریف ءَ کیش لیس اکانومی ءُ ڈیجیٹائیزیشن ءِ واستہ کمیٹی جوڑ کتگ۔ مزن وزیر ءِ سروکی ءَ جوڑ بوتگیں کمیٹی اے درگت ءَ کتگیں گامگیج ہفتگی چار ءُ تپاسی کنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ غیر رسمی معیشت ءِ ھلاسی، شفافیت ءِ دیمروئی ءُ ڈیجیٹل معیشت ءِ دیمروئی ءُ ڈیٹا کیپچر ءِ دیمروئی ءِ واستہ مزن وزیر ایوان ءَ جائزہ دیوان برجم دارگ بوتگ۔ گند ءُ نند ءَ وفاقی وزیر احد خان چما، محمد اورنگزیب، شازہ فاطمہ خواجہ، وزیر مملکت ءِ ھزانگ بلال اظہر کمانی، چیئرمین ایف بی آر ءُ سیادی داروکیں مزنیں کارندہ آں بہر زرتگ۔ گند ءُ نند ءَ ڈیجیٹل اکانومی ءُ معیشت ءِ ڈیجیٹلائزیشن ءِ تہ ءَ دیمروئی ءِ ھوالگ ءَ سرپد کنگ بوت۔ گند ءُ نند ءَ گوشگ بوت کہ ڈیجیٹل ادائیگی ءُ منی ٹرانسفر ءِ واستہ تاجر آناں پنت ءُ شون داتگ ءُ سرکاری تک ءَ ایشی ءِ دیمروئی ءِ واستہ گامگیج کنگ بوھگ ءَ انت۔ دیوان ءَ وزارت انفارمیشن ءُ ٹیکنالوجی ءُ وزارت ھزانگ ءِ نیمگ ءَ اے ھوالگ ءَ کتگیں گامگیج آنی ھوالگ ءَ ھم سرپد کنگ بوت۔ مزن وزیر ءَ ڈیجیٹل اکانومی ءُ ڈیجیٹلائزیشن ءِ دیمروئی ءِ واستہ مزن تک ءِ کمیٹی ءِ جوڑ کتگ ایشی ءِ سروک مزن وزیر وت بیت۔ مزن وزیر ءِ سروکی ءَ کمیٹی وتی ھپتگی دیوان ءَ ڈیجیٹل معیشت ءِ دیمروئی ءُ معیشت ءِ ڈیجیٹل کنگ ءِ واستہ کتگیں گامگیج آنی سر ءَ چار ءُ تپاسی کنت۔ مزن وزیر ءَ گوشت کہ معیشت ءَ را ڈیجیٹل کنگ اصلاحات ءِ واستہ حکومت ءِ اولی ترجی آنی تہ ءَ یک انت۔ غیر رسمی معیشت ءِ دیمروئی ءِ واستہ وفاقی بجٹ ءَ گامگیج پیش کنگ بوتگ انت۔ مزن وزیر ءَ گوشت کہ غیر رسمی معیشت ءِ ھلاسی ءُ فنڈز ءِ باقاعدہ گرگ ءُ ٹرانسفر ءَ را شفاف کنگ ءِ واستہ گامگیج کنگ بوھگ ءَ اِنت۔ رمضان ءِ مقدسیں ماہ ءَ ڈیجیٹل پرس ءَ چہ زرّ ءِ ٹرانسفر ءَ را چہ زیان مندیں مردماں شفاف، کارآمد ءُ شرتریں رنگ ءَ کنگ بوتگ۔ مزن وزیر ءَ گوشت کہ ڈیجیٹل والٹ ءَ چہ زرّ ءِ ٹرانسفر ءَ چہ سیت مند آناں وتی ھک داتگ ءُ امدادی زرّ بید ءَ شفاف رنگ ءَ بھر ءُ بانگ کنگ بوتگ۔ معیشت ءِ تہ ءَ گہتری ءِ سبب ءَ مہنگائی ءِ شرح کم بوتگ ءُ زرّ دیم دیگ ءِ تہ ءَ ھم گیشی بوتگ۔ مزن وزیر ءَ گوشت کہ اسٹاک مارکیٹ ءَ کاروبار ءِ تہ ءَ گیشی حکومت ءِ انتظامی ءِ سر ءَ سرمایہ کار آنی بھروسہ ءِ درشان انت۔ اللہ تعالیٰ ءِ فضل ءُ کرم ءَ اقتصادی ٹیم ءِ محنت ءِ آسر دیم ءَ روگ ءَ انت۔ مزن وزیر ءَ پنت ءُ شون کت کہ ڈیجیٹل ادائیگی ءُ فنڈز ءِ ڈیجیٹل ٹرانسفر ءِ حوصلہ افزائی ءِ واستہ پالیسی گامگیج چست کنگ بہ بنت۔
