اسلام آباد۔17جون (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں ھسپانوی سفیر جوز انتونیو ڈی اوری ءَ گند ءُ نند کت۔ دری کارانی کارگس ءِ جارچین ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ پاکستان ءُ اسپین ءِ نیام ءَ جتا جتائیں شوبگ آنی تہ ءَ دو نیمگی سیادی آنی تہ ءَ جوانیں پیشرفت ءِ ھوار کثیر نیمگی فورم آنی تہ ءَ کمک ءَ را ساڑات۔ گند ءُ نند ءِ ساھت ءَ دمگی ءُ جھان ءِ دیمروئی آنی بابت ءَ ھم گپ ءُ تران کنگ بوت۔
