اسلام آباد۔16جون (اے پی پی): مزن وزیر محمد شہباز شریف ءَ ایرانی الس ءَ گوں یکوئی ءِ درشانی کتگ ءُ گشتگ کہ ایران ءِ سرا اسرائیل ءِ اُرش اقوام متحدہ ءِ منشور ءُ میان استمانی کانود ءِ سرجمیں ھلاپ ورزی انت ءُ پاکستان ءَ اقوام متحدہ ءِ سلامتی کونسل ءَ ایران ءِ کمک کتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ ایران ءِ سفیر رضا امیر مقادم ءَ اسلام آباد ءَ برجم داشتگیں انٹرنیشنل میری ٹائم ایکسپو اینڈ کانفرنس ءِ موہ ءَ مزن وزیر محمد شہباز شریف ءَ گوں گند ءُ نند کت۔ گند ءُ نند ءَ مزن وزیر ءَ ایران ءِ سر ءَ اسرائیل ءِ زوراکی ءِ پاکستان ءِ مذمت ءُ بے گناھیں مردم آنی شھید کنگ ءِ سر ءَ سرجمیں راج ءِ ھمدردی ایران ءِ گوما یک رندے پدا پدر کت۔ مزن وزیر ءَ خطہ ءِ گوستگیں سناریو ءِ سرا گپ ءُ تران کنان ءَ ناگیگیں جاور ھال ءِ وھد ءَ پاکستان ءِ ایران ءُ آئی ءِ الس ءِ گوما یکوئی ءِ درشان کت۔ مزن وزیر ءَ ایران ءِ صدر ڈاکٹر مسعود پیزیشکیان ءَ گوں ٹیلی فون ءِ سر ءَ گپ ءُ تران ءِ رد ءَ مزن وزیر ءَ گوشت کہ پاکستان ءَ اقوام متحدہ ءِ سلامتی کونسل ءَ ایران ءِ کمک کتگ ءُ اسرائیل ءِ اُرش اقوام متحدہ ءِ منشور ءُ میاں اوستمانی کانود ءِ سرجمیں ھلاپ ورزی انت۔

متعلقہ مضامینمصنف کی طرف سے مزید