اسلام آباد۔17جون (اے پی پی):دمگی جاور ھال ءِ تہ ءَ ترندیں رنگ ءَ بدل بوھوکیں جاور ءُ میان اُستمانی تک ءَ بے دروریں کش ءُ چیل ءِ گیش بوھگ ءِ رد ءَ ھاسیں رنگ ءَ ایران ءِ سر ءَ اسرائیل ءِ برجاھیں فوجی زوراکی ءِ رد ءَ الجزائر، بحرین، برونائی دارالسلام، چاڈ، کوموروس، جیبوتی، پاکستان، اردن، کوبی، عراق ءِ دری کارانی وزیر قطر، سعودی عرب، سومالیہ، سوڈان، ترکی، عمان ءُ متحدہ عرب امارات ءَ یکجائی بیانے ءِ تہا اسرائیل ءِ اسلامی جمہوریہ ایران ءِ سرا اُرش ءُ اے وڑیں ہرچ کارروائی کہ میان استمانی کانود ءُ اقوام متحدہ ءِ منشور ءِ مول ءُ مراد ءُ اصولانی خلاف ورزی ءِ سرا سک باز مذمت کتگ۔ سئے شمبے ءِ روچ ءَ پاکستان ءِ درئی کارانی کارگس ءِ رد ءَ دری کارانی وزیراں ریاست آنی حاکمیت ءُ علاقائی یکوئی ءِ احترام کنگ ءِ ضلورت ءِ سر ءَ زور پر دات ءُ ھمے رنگ ءَ جوانیں ھمساھگی ءِ اصول آنی سر ءَ عمل کنگ ءُ جیڈھ آناں پرامنیں رنگ ءَ گیواری ءِ ضلورت ءِ سر ءَ زور پر دات۔ آہاں گوشت کہ ایران ءِ سر ءَ اسرائیل ءِ زوراکی ءَ را بند کنگ ءِ زوتیں ضلورت انت کہ میاں اوستمانی تک ءَ گیش بوھوکیں کش ءُ چیل آنی تہ ءَ پیداک بوتگ۔ اے خطرناکیں دیمروئی ءِ سر ءَ سکیں دلپدردی ءِ درشان کنان ءَ آھاں گوشت کہ ایشی ءِ سرجمیں دمگ ءِ امن ءُ ایمنی ءِ واستہ مزنیں آسراتی ءِ امکان اِنت ءُ یک سرجمیں جنگ بندی ءُ امن ءِ بحالی ءِ واستہ کار کنگ ءِ ضلورت اِنت۔ درئی کارانی وزیراں گوشت کہ میاں اوستمانی زون ءِ جوڑ کنگ ءِ زوتیں ضلورت اِنت کہ ایشی ءِ تہ ءَ ایٹمی سلاھ ءُ دگہ مزنیں تباہی ءِ سلاھ ھوار اَنت، اے دمگ ءِ سرجمیں ریاست آنی سر ءَ ھم استثنا ءِ رد ءَ ھواریں میاں اوستمانی قرارداد آنی رد ءَ ھوار اِنت ءُ ھمے رنگ ءَ میاں اوستمانی تک ءِ سرجمیں ملک آناں Nuclear Weap ءِ تہ ءَ ھوار بوھگ ءِ زوتیں ضلورت اِنت۔ آہاں گوشت کہ میاں اوستمانی ایٹمی توانائی ایجنسی ءِ ھمگرنچیں قرارداد ءُ اقوام متحدہ ءِ سلامتی کونسل ءِ پیسلہ آنی رد ءَ ایٹمی آسراتی آناں نشانگ جوڑ کنگ ءَ چہ دست کش بوھگ سک باز المی اِنت، پرچا کہ اے وڑیں کارروائی میاں اوستمانی کانود ءُ میاں اوستمانی انسانی کمک ءِ کانود ءِ ھلاپ ورزی اِنت، ایشی ءِ تہ ءَ 1949 ءِ جنیوا کنونشن ھم ھوار اِنت۔ آہاں یکجائی بیان ءِ تہا گشتگ کہ ایران ءِ جوہری پروگرام ءِ سرا دائمی معاہدے ءِ رسگ ءِ یکیں زندگ داروکیں وسیلہ ءِ رد ءَ مذاکرات ءِ راہ ءَ پدا واتر کنگ ءِ زوتیں ضلورت انت۔ آہاں گیش کت کہ میاں اوستمانی کانود ءِ سیادی داروکیں رہبندانی رد ءَ میاں اوستمانی آبی راہ آنی تہ ءَ جہاز رانی ءِ آجوئی ءِ رکھینگ ءِ ھاتر ءَ دریائی ایمنی ءِ ھراب کنگ ءَ چہ بچگ المی اِنت۔ یکجائی بیان ءِ رد ءَ سفارتکاری، گپ ءُ تران ءُ جوانیں ھمساھگی ءِ رھبندانی سر ءَ عمل کنگ دمگ ءِ تہ ءَ میاں اوستمانی کانود ءُ اقوام متحدہ ءِ منشور ءِ رد ءَ بحران آنی گیواری ءِ تہنا زندگ داروکیں راہ اِنت ءُ اے فوجی وسیلگ ءَ چہ برجاھیں بحران ءِ دائمی گیواری آرگ نہ بیت۔
