راولپنڈی۔17جون (اے پی پی):چیف آف آرمی اسٹاف فیلڈ مارشل سید عاصم منیر ءَ پاکستان ءِ سفیر ءِ بستار ءَ درملکیں پاکستانی آنی ھاسیں کرد ءِ توسیپ کتگ ءُ زرّ ءِ دیم دیگ، سرمایہ کاری ءُ ایندگر مزنیں سوبمندی آنی وسیلگ ءَ فعال کرد پیلو کنگ ءَ پاکستان ءِ معیشت ءُ جھان ءِ ساکھ ءِ تہ ءَ آھانی کرد ءِ منگ بوتگ۔ فیلڈ مارشل سید عاصم منیر کہ امریکہ ءِ سرکاری تر ءُ تاب ءَ انت آئی ءَ واشنگٹن ڈی سی ءَ اوورسیز پاکستانی کمیونٹی ءَ گوں گپ ءُ تران کتگ۔ آئی ءَ را اوورسیز پاکستانی آں گوں دلجمی ءَ وش آتک کت آ چیف آف آرمی اسٹاف ءَ گوں گند ءُ نند ءِ واستہ مزنیں کساسے ءَ یکجاہ بوت انت۔ سئے شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ درملکی آں آپریشن بنیان مرسوس / حق ءِ جنگ ءِ وھد ءَ سلاہ بندیں اُرد آنی جوانیں کارکردگی ءِ توسیپ کتگ کہ ایشی ءِ تہ ءَ آھاں بہادری ءُ پیشہ وارانہ لیکہ ءِ درشانی کتگ۔ گپ ءُ تران ءِ ساھت ءَ آرمی چیف ءَ پاکستان ءِ سفیر ءِ بستار ءَ اوورسیز پاکستانی آنی ھاسیں کرد ءِ سک باز ساڑات۔ آئی ءَ زرّ ءِ دیم دیگ، سرمایہ کاری ءُ ایندگر مزنیں سوبمندی آنی وسیلگ ءَ فعال کرد پیلو کنگ ءَ پاکستان ءِ معیشت ءُ جھان ءِ ساکھ ءِ تہ ءَ وتی کرد ءِ من اِت۔ اوورسیز پاکستانی آں آرمی چیف ءَ گوں وتی تجربت ءُ شور ءُ سلاہ شیئر کتگ انت۔ آئی ءَ درملکیں پاکستانی آں گوں ھوار بوھگ ءِ ارزشت ءِ سر ءَ زور پر دات ءُ یکجائی چیلنج آناں گیواری ءُ کمک ءَ را دیمروئی دیگ ءِ واستہ برجاھیں کمک ءِ ضلورت ءِ سر ءَ زور پر دات۔ فیلڈ مارشل سید عاصم منیر ءُ درملکیں پاکستانی آں گیش ایمن ءُ وشھالیں پاکستان ءِ واستہ یکجائی ءَ کار کنگ ءِ جزم کت۔
