ایوان اٹی بنجائی وزیر خزانہ و وزیر مملکت نا ساڑی مفننگ آ اعتراض سہی اف، اعظم نذیر تارڑ

اسلام آباد۔ 17 جون (اے پی پی) بنجائی وزیر کانود اعظم نذیر تارڑ پارینے کہ بنجائی وزیر خزانہ و وزیرمملکت خزانہ سینیٹ و قومی اسمبلی نا خزانہ نا قائمہ کمیٹی تا دیوان اٹی اختہ ءُ ، وزارت خزانہ نا سینئر آفیسر آک باسک آتا تقریر آتا نوٹس ءِ ہلنگ کن ساڑی ءُ۔ سے شنبے نادے آ سینیٹ نا دیوان اٹی قائد حزب اختلاف سینیٹر شبلی فراز بجٹ آ شرہ ٹی بنجائی وزیرخزانہ و وزیر مملکت خزانہ نا ساڑی مفننگ نا بانداتءِ ہرفے ہرانا ورندی ٹی بنجائی وزیر کانود پارے کہ بنجائی وزیر خزانہ و وزیر مملکت خزانہ سینیٹ و قومی اسمبلی نا خزانہ نا قائمہ کمیٹی تا دیوان تیٹی اختہ ءُ، وزارت خزانہ نا سینئر آفیسر آک باسک آتا تقریر آتا نوٹس ءِ ہلنگ کن ساڑی ءُ، کابینہ نا اجتماعی زمواری نا رداٹ ورندی تننگ کن او تینٹ ہم ایوان اٹی ساڑی ءُ ہنداسوب آن بنجائی وزیر خزانہ و وزیر مملکت نا ساڑی مفننگ آ اعتراض سہی اف۔ اوپارے کہ وزارت خزانہ نا آفیسرآک باسک آتا کنڈآن کروک آ ٹک آتیان بنجائی وزیر خزانہ ءِ معلومدار کیرہ۔