اسلام آباد۔16جون (اے پی پی):مزن وزیر محمد شہباز شریف ءَ گوشت کہ پاکستان جھان ءِ امن ءُ دمگی برجائی ءِ واستہ جزم اِنت، بلیو اکانومی سرمایہ کاری، تجارت ءِ دیمروئی ءُ پائیدار ءُ ھواریں دیمروئی ءِ واستہ موہ دنت، بلیو ای اکانومی ءِ تہ ءَ سرجمیں سیادی داروکیں گل آنی گوما ھمکوپگی ءَ ھمک ممکنیں گامگیج چست کنگ بیت۔ اے ھیالانی درشانی آئی ءَ انٹرنیشنل میری ٹائم ایکسپو اینڈ کانفرنس ءِ سافٹ لانچ مراگش ءَ گوں تران کنان ءَ کت۔ مراگش ءَ پاک بحریہ ءِ سروک ایڈمرل نوید اشرف ءَ ھم بہر زرتگ۔ مزن وزیر محمد شہباز شریف ءَ گوشت کہ اے ھاسیں کانفرنس ءِ برجم دارگ ءَ وفاقی وزیر بحریہ امور جنید انور چوہدری ءُ چیف آف نیول اسٹاف ایڈمرل نوید اشرف ءِ جوانیں سروکی ستا کرز انت۔ پاک بحریہ راجی دفاع ءِ یک ھاسیں ستون ءِ انت۔ 1965 ءِ آپریشن دوارکا بہ بیت یا ہندوستان ءِ انوگیں زوراکی، پاک بحریہ ءَ مدام وتی نوکیں تیاری ءُ بے مٹیں پیشہ وارانہ لیکہ ءِ ثبوت داتگ۔ آئی ءَ گوشت کہ پاکستان جھان ءِ امن، دمگی برجائی ءُ مئے سمندری سفارتکاری ءِ رہشونی کنوکیں میاں اوستمانی ارزشت آنی سر ءَ عمل کنگ ءِ واستہ جزم اِنت۔ آئی ءَ گوشت کہ گوستگیں وھد ءَ بوتگیں امن مشق آنی تہ ءَ 16 ملک آں بھر زرتگ۔ یک ہزار کلومیٹر ءَ چہ گیش کوسٹ لائن، سئے ھاسیں بندر ءُ اسٹریٹجک جغرافیہ ءُ یک ھاسیں گلوبل سی روٹ ءِ گوما پاکستان یک انچیں جاہ ءُ جاہ ءِ تہا انت۔ مارا وتی میری ٹائم سیکٹر ءِ صلاحیت آناں سرجمی ءَ کارمرد کنگی اِنت۔ نیلیں معیشت ءِ پاکستان ءِ معیشت ءِ دیمروئی ءِ تہا ھاسیں جاہ است انت ۔ ایشی ءَ سرمایہ ءِ گرگ، تجارت ءِ دیمروئی ءُ پائیدار ءُ شمولیت ءِ دیمروئی ءِ موہ است انت۔ مزن وزیر ءَ گوشت کہ میاں اوستمانی نیلیں معیشت ءِ ارزشت کھرب ڈالر اِنت، ءُ نیلیں معیشت ءِ توانائی پاکستان ءِ راجی دیمروئی ءُ دمگی رابطہ ءِ واستہ گیم چینجر اِنت۔ آئی ءَ گوشت کہ نیلیں معیشت ءَ جہاز سازی، ماہی گیری، قابل تجدید توانائی ءِ ری سائیکلنگ، کوسٹل ٹورزم ءِ تہ ءَ مزنیں موہ است انت۔ آئی ءَ گوشت کہ سالی بار ءِ ھرچ ءُ درچ نزیک ءَ 7ارب ڈالر انت، پاکستانی شپنگ کمپنی ءُ درملکی شپنگ کمپنی آنی نیام ءَ جان سلامتی ءِ مقابلہ بہ بیت۔ آئی ءَ گوشت کہ مارا جاپان ءَ چہ دربرگ لوٹ ایت کہ آئی ءَ بازیں چیلنج آنی باوجود وتی جزمیں پسو ءِ وسیلگ ءَ وتی آیوکیں وھد ءِ ٹھینگ کتگ۔ جغرافیائی جیڈھ ءُ کمیں وسیلگ آنی باوجود جاپان نوکیں بندرگاہ ءِ بنیاتی ڈھانچہ، نوکیں جہاز سازی ءُ پائیداریں دریائی وسیلگ آنی وسیلگ ءَ یک جھان ءِ دریائی مرکز جوڑ بوتگ۔ اے گپ ءَ چہ اے گپ پدر بیت کہ نیلیں معیشت ءُ ٹیکنالوجی ءِ سر ءَ بنیات ءِ سرا نوآبادیاتی ءُ دمگی اثر ءُ رسوخ ءِ ھوالگ ءَ یک یکجاھیں رھبند ملک ءِ دیمروئی ءِ ھاترا یک ھاسیں ستونے جوڑ بوتگ۔ آئی ءَ اے جزم ءِ یک رندے پدا گوشت کہ نیلیں معیشت ءِ دیمروئی ءِ واستہ ھمک رنگ ءِ گامگیج چست کنگ بنت، درستیں سیادی داروکیں گل میری ٹائم پاور ءِ بدل کنگ ءِ واستہ یکجائی کوشست بہ کن اَنت، اے وھد ءِ ضلورت اِنت، امیت اِنت کہ شما پاکستانی الس ءِ امیت آناں پیلو کن اِت۔ اے موہ ءِ سر ءَ وفاقی وزیر برائے میری ٹائم جنید انور چوہدری ءَ مراگش ءَ گشتانک دیان ءَ گوشت کہ اے کانفرنس تجارتی سیادی ءُ سرمایہ کاری ءِ رد ءَ ارزشت ءِ دار ایت۔ دیمروئی ءِ عمل ءِ تہا نیلیں معیشت ءِ ھاسیں کرد ءَ را چہ چماں گار کنگ نہ بیت۔ پاکستان وتی منفرد جغرافیائی جاہ ءِ سبب ءَ یک دلکشیں ملکے، نیلیں معیشت ءِ دیمروئی حکومت ءِ اولی ترجی اِنت، مئے ٹارگٹ 2047 ءَ تاں 100ارب ڈالر ءِ نیلیں معیشت اِنت۔
