اسلام آباد۔16جون (اے پی پی):مزن وزیر محمد شہباز شریف ءَ ٹیکس ءِ رد ءَ ردیں مردمانی دزگیر کنگ ءِ ھال ءِ ترندیں نوٹس زرتگ ءُ اے گپ پدر کتگ کہ باقاعدہ ٹیکسدیوک آزار ءُ اذیت کدی منگ نہ بیت، کاروباری برادری ءُ سرمایہ کار آنی عزت ءُ شرپ مئے چماں انت ءُ آھاں بے ھچ وڑیں سبب ءَ آزار ءُ اذیت کنگ ناقابل قبول انت۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءِ سروکی ءَ ایف بی آر ءِ کار آنی ھوالگ ءَ چار ءُ تپاسی دیوان برجم دارگ بوت۔ مزن وزیر ءَ میڈیا ءَ شنگ بوتگیں ٹیکس ناکام آنی دزگیر کنگ ءِ جیڈھ ءِ ترندیں نوٹس زرت۔ مزن وزیر ءَ را سرپد کنگ بوت کہ سیلز ٹیکس ءِ نادہندہ آنی دزگیر کنگ ءِ اختیار 90ءِ دہک ءَ چہ کانود ءِ بھر بوتگ، البت آمید گس آنی پیسلہ آناں مدنظر دارگ ءَ ایشی ءَ را گیش ھمگرنچ کنگ ءِ واستہ ھمگرنچیں شق آنی تہ ءَ گیشیں ترمیم کنگ بوھگ ءَ اِنت۔ سرجمیں معاملہ ءِ چار ءُ تپاسی ءَ پد مزن وزیر ءَ سک باز ہدایت کت کہ اے وڑیں ترمیم ءَ چہ کدی کاروباری براتییا ٹیکسدیوک سرا زہر ءُ زہیریگ کنگ نہ بیت۔ مزن وزیر ءَ گوشت کہ باقاعدہ ٹیکس دہندگان ءَ را ہراسانی کنگ کدی ھم منگ نہ بیت۔ کاروباری برادری ءُ سرمایہ کارانی عزت ءُ احترام مئے چماں انت ءُ آہاں بے جواز ءَ پریشان کنگ نا منّگ بیت۔ مزن وزیر ئَ اے جیڈھ ئَ ھاسیں کمیٹیءِ جوڑ کنگ ءِ ہدایت کتگ۔ مزن وزیر ءَ ہدایت کت کہ ٹیکس ءِ کانود آنی تہ ءَ دزگیر کنگ ءِ طاقت ایوک ءَ غیر معمولی حجم ءِ ٹیکس ءِ رد کنوک آنی تہ ءَ محدود کنگ بہ بیت۔ مزن وزیر ءَ ہدایت کت کہ دزگیر کنگ ءِ ھوالگ ءَ درائیں جائزہ ءُ چیکءُ بیلنس ءِ یک موثریں نظام جوڑ کنگ بہ بیت،ءُ اے کانود آنی ناجائز کارمردی ءَ چہ رکھینگ ءِ ھوالگ ءَ شق آناں فنانس ایکٹ ءِ بھر جوڑ کنگ بہ بیت۔ مزن وزیر ءَ ہدایت کت کہ اے جیڈھ ءِ سرا پارلیمنٹ ءَ استیں توامیں اتحادی گل آں گوں مشورہ دل یکیمی کنگ بہ بیت۔ دیوان ءَ دفاع، کانود، تجارت، اقتصادی امور، اطلاعات ءُ نشریات ءِ وفاقی وزیر، ریلوے ءِ وزیر مملکت، چیئرمین ایف بی آر، اقتصادی امور ءِ ماہرین،ءُ سرکاری مزنیں حکام ءَ بہر زرتگ ات۔
