اسلام آباد۔16جون (اے پی پی):راجی اسمبلی ءِ باسک عامر طلال گوپنگ، ملک ابرار احمد، جمال شاہ کاکڑ ءُ آغا رفیع اللہ ءَ مزن وزیر محمد شہباز شریف ءَ گوں جتا جتائیں رنگ ءَ گند ءُ نند کتگ ءُ مزن وزیر ءَ را مشکلیں جاور ھال آنی تہ ءَ راج دوستیں بجٹ پیش کنگ ءُ وتی حمایت ءِ واستہ مبارک بات داتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ راجی اسمبلی ءِ باسک آں اے موہ ءِ سر ءَ گوشت کہ مزن وزیر شہباز شریف ءِ سروکی ءَ ملک معاشیءُ دفاعی رنگ ءَ مھکم بوتگ۔ دیوان ءَ سیادی داروکیں حلقہ آنی جیڈھ آنی سر ءَ گپ ءُ تران کنگ بوت۔
