اسلام آباد۔ 16جون (اے پی پی) بنجائی وزیر داخلہ محسن نقوی خیبرپختونخوا ٹی بھارتی سپانسرڈ دہشت گرد آتا برخلاف سرسہب آپریشن تیا سیکورٹی فورس آتے خراج تحسین پیش کرینے۔ دوشنبے نادے آ جاری تینا بیان اٹی وزیرداخلہ محسن نقوی فتنۃ الہندوستان نا 5 دہشت گرد آتے جہنمی کننگ آ سیکورٹی فورس آتا کسبی لائخی تا ستاءِ کرے۔ اوپارے کہ سیکورٹی فورس آک وخت آ آپریشن کرسا 5 بھارتی سپانسرڈ دہشت گرد آتے عبرتناک انجام اسکان سرکریر۔ محسن نقوی پارے کہ سیکورٹی فورس آتا بہادر گلزادہ غاتے سلام پیش کینہ۔ بھارتی سپانسرڈ دہشت گرد و آلہ کار آتا برخلاف سیکورٹی فورس آتا سرسہب کارروائی تے تحسین نا نظراٹ ہرک۔ وزیرداخلہ پارے کہ بہادر سیکورٹی فورس آتیا ہرپاکستانی ءِ ناز ءِ، بھارتی سپانسرڈ دہشت گرد و کمکارآتا انجام عبرتناک موت ءِ۔ محسن نقوی پارے کہ قوم انا مخ تفی اٹ بھارتی سپانسرڈ دہشت گرد آتے پورو چٹفنہ۔
