اسلام آباد۔ 16جون (اے پی پی) صدر مملکت آصف علی زرداری خیبرپختونخوا ٹی 2 جتا کارروائی تیٹی بھارتی پراکسی فتنۃ الخوارج نا 5 دہشت گرد آتے جہنمی کننگ آ سیکورٹی فورس آتے خراج تحسین پیش کرینے۔ دوشنبے نادے آ ایوان صدر نا پریس ونگ انا رداٹ صدر مملکت سرسہب کارروائی ٹی 5 خوارج آتے خلنگ آ سیکورٹی فورس آتا بہادری نا ستاءِ کرسا ملک آن فتنۃ الخوارج آتا پورو چٹفنگ نا عزم انا درشانی ءِ کرے۔ اوپارے کہ سیکورٹی فورس آک دہشت گردی نا عفریت نا چٹفنگ کن کارروائی کننگ ءُ۔ صدر مملکت پارے کہ مچ آ قوم دہشت گردی نا برخلاف یکجاءُ و دہشت گردی نا پورو چٹفنگ اسکان فتنۃ الخوارج آتا برخلاف کارروائی برجاسلک۔
