اسلام آباد۔ 16 جون (اے پی پی) وزیراعظم محمد شہباز شریف ضلع پشاور و قطبی وزیرستان اٹی بھارتی مخ تف فتنۃ الخوارج نا 5 دہشت گرد آتے جہنمی کننگ آ سیکورٹی فورس آتے خراج تحسین پیش کرینے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ سیکورٹی فورس آتا کسبی مہارت نا سوب نن ملک آن دہشت گردی نا عفریت ءِ ماس کش کینہ۔ وزیراعظم پارے کہ انسانیت نا دشمن دہشت گرد آتے کودک شاری تا جون ومال ءِ خطرہ ٹی شاغنگ نا بے کچ سخت قیمت اس اداکروئی تمک، حکومت پاکستان و سیکورٹی فورس آک ملک آن دہشت گردی نا پورو چٹفنگ کن سنبرینگوک ءُ۔
